၂၀၁၄ တွင် မွန်နှင့် ကရင်ပြည်နယ် လျှပ်စစ်မီးရရှိတော့မည်

စက်တင်ဘာလ ၁၂ရက်၊ ၂၀၁၃ ခုနှစ်။ ကေအိုင်စီ

မွန်ပြည်နယ်၊ မော်လမြိုင်မြို့ ငန်းတေးဓါတ်အားပေးစက်ရုံဝင်းရှိ MYANMAR LIGHTING IPP CO, L.TD ၏ ၂၃၀ MW(မီဂ္ဂါဝပ်) သဘာဝဓာတ်ငွေ့နှင့် စွန့်ပစ်အပူသုံးဓါတ်အားပေးစက်ရုံစီမံကိန်းမှ မွန်ပြည်နယ်နှင့် ကရင်ပြည်နယ်အတွက် ၂၀၁၄ ခုနှစ်တွင် လျှပ်စစ်ဓါတ်အား သုံးစွဲနိုင်တော့မည် ဖြစ်သည်။
မွန်ပြည်နယ်နှင့် ကရင်ပြည်နယ်အတွက် လျှပ်စစ်ဓါတ်အားဖြန့်ဖြူးရန် MYANMAR LIGHTING IPP CO, L.TD အနေဖြင့် စက်တင်ဘာလ ၉ရက်နေ့က နေပြည်တော်၌ နားလည်မှုစာချွန်လွှာ(MOU) သဘောတူလက်မှတ်ရေး ထိုးထားပြီးဖြစ်သလို စက်များ ဝယ်ယူတပ်ဆင်ရန်လည်း ASIA TEC Energy PTE Co, Ltd (Singaore)တို့နှင့် စက်တင်ဘာ ၁၀ ရက်နေ့က မော်လမြိုင်တွင် သဘောတူစာချုပ် ချုပ်ဆိုခဲ့ကြပြီဖြစ်သည်။
မွန်ပြည်နယ် လျှပ်စစ်ဝန်ကြီး နိုင်လဝီအောင်က “မွန်ပြည်နယ်မှာ လျှပ်စစ်ဓါတ်အားအလုံအလောက်ရရှိဖို့ လျှပ်စစ်ဖြန့်ဖြူးမှုကို ပုဂ္ဂလိကကုမ္ပဏီနဲ့ လွှဲပြောင်းပေးလိုက်တယ်။ မွန်ပြည်နယ်နဲ့ ကရင်ပြည်နယ်အတွက် ၂၀၁၄ ကနေ စပြီးတော့ သုံးစွဲနိုင်တော့မှာပေါ့”ဟု ပြောသည်။

ထိုသို့ မွန်ပြည်နယ်နှင့် ကရင်ပြည်နယ်အတွက် လျှပ်စစ်ဓါတ်အားလုံလောက်စွာ သုံးစွဲနိုင်ရန်အတွက် ၂၃၀ MW သဘာဝဓါတ်ငွေ့နှင့် စွန့်ပစ်အပူသုံးဓါတ်အားပေးစက်ရုံစီမံကိန်းမှ ၂၀၁၄ ခုနှစ်၊ ဖေဖော်ဝါရီလမှစ၍ ပထမအဆင့် မွန်ပြည်နယ်အတွင်း စတင်ဖြန့်ဖြူးမည်ဖြစ်ပြီး ထိုမှတဆင့် ကရင်ပြည်နယ်သို့ ဖြန့်ဖြူးသွားမည်ဟု သိရသည်။

လျှပ်စစ်စီမံကိန်းအတွက် ကုန်ကျစရိတ်ကို အမေရိကန်ဒေါ်လာ သန်းပေါင်း ၁၅၂ သန်း ခန့်မှန်းထားပြီး ဖြန့်ဖြူးမည့်အခါ ယခုကောက်ခံနေသည့်နှုန်းထားအတိုင်း အိမ်သုံးအတွက် တစ်ယူနစ်လျှင် ၃၅ ကျပ်နှင့် စက်ရုံအလုပ်ရုံသုံးအတွက် ၇၅ ကျပ်နှုန်းအတိုင်းသာ ကောက်ခံသွားမည်ဟု သိရသည်။


ပြီးခဲ့သည့် ဇူလိုင်လ ၄ ရက်နေ့က မော်လမြိုင် ငန်းတေးမီးစက်ဝင်းအတွင် MYANMAR LIGHTING IPP CO, L.TD ၏ ၂၃၀ MW လျှပ်စစ်စီမံကိန်းကြီး ဖွင့်ပွဲအခမ်းအနားကို ကျင်းပခဲ့သေးသည်။
အခမ်းအနားတွင် MYANMAR LIGHTING IPP CO, L.TD ဥက္ကဌ ဦးစိန်ဝမ်က စက်ရုံစီမံကိန်းမှ ထွက်ရှိသည့် ဓါတ်အားပမာဏပေါ်မူတည်ပြီး ပထမအဆင့်တွင် မွန်ပြည်နယ်နှင့် ကရင်ပြည် နယ်သို့ ဖြန့်ဖြူးမည်ဖြစ်ပြီး ပိုလျှံသည့် ဓါတ်အားပမာဏကို ရန်ကုန်သို့ ဆက်လက်ပို့ဆောင်မည်ဟု ပြောကြားခဲ့သည်။

၂၃၀ MW သဘာဝဓါတ်ငွေ့နှင့် စွန့်ပစ်အပူသုံးဓါတ်အားပေး စက်ရုံစီမံကိန်းဖွင့်ပွဲကျင်းပခဲ့စဉ်က လျှပ်စစ်စွမ်းအား ဒု-ဝန်ကြီး ဦးအောင်သန်းဦး၊ မွန်ပြည်နယ်ဝန်ကြီး ဦးအုန်းမြင့်၊ ကရင်ပြည်နယ်ဝန်ကြီး ဦးဇော်မင်းအပါအဝင် ပြည်နယ်ဆိုရင်ရာ လျှပ်စစ်ဝန်ကြီးများတက်ရောက်ခဲ့ကြသည်။

(၃)လပါတ် အစည်းအဝေးတွင် KNU နှင့် BGF တို့ ပြသနာ ဖြေရှင်းရန်ရှိ

ရွှေဟင်္သာသတင်း (ဓါတ်ပုံ - ဘဲဆရာ)
KNU မှ BGF အား တိုက်ခဲ့သည့် ပြသနာကို နက်ဖြန် စက်တင်ဘာလ (၃) ရက်နေ့တွင် ကရင်ပြည်နယ် မြ၀တီ ခရိုင် ရွှေကုက္ကိုမြိုင် ကျေးရွာ၌ ကျင်းပရန် ရှိသည့် ကရင် လက်နက်ကိုင် အဖွဲ့များ ညီညွတ်ရေး ကော်မတီ ပုံမှန်(၃) လ တကြိမ် အစည်းအဝေးတွင် ဖြေရှင်းရန် ရှိသည်ဟု ကရင် အမျိုးသား အစည်းအရုံးမှ ဗိုလ်မှူးကြီး ပဒို ဖောဒို့ကဆိုပါ သည်။

“ ပြသနာတစ်ခုခု ဖြစ်လာရင် ဖြေရှင်းဖို့ အတွက်ရယ်၊ ပြီးတော့ တူညီတာတွေကို ပူးပေါင်း ဆောင်ရွက်ကြဖို့ဆိုပြီး ဒီ အဖွဲ့ကို ဖွဲ့စည်းထားတာ ဖြစ်တယ်။ ဒီတော့ နောက်ဆို စုပေါင်းရုံး တစ်ခု ထားဖို့တောင် စဉ်းစားကြရမဲ့ အနေအထားကို ဖြစ်လာတယ်လေ” ဟု ဆိုပါသည်။
ဤသို့သော် အခြေခံ သဘော တူညီမှုဖြင့် သြဂုတ်လ (၁၆) ရက်နေ့၌ဖာပွန် ခရိုင် တပ်မဟာ (၅) နယ်မြေတွင် ဖြစ်ပွားခဲ့ သောဝဲကြီး စခန်း တိုက်ခိုက်မှုကို ဖြေရှင်းကြမည် ဖြစ်ပါသည်။ ယင်းပြသနာ၌ KNU တပ်မဟာ(၅) နယ်မြေမှ အဖွဲ့ဝင် (၅) ဦး တို့သည် ၄င်းတို့ ကိုင်ဆောင်သည့် လက်နက် များနှင့် အတူ BGF ထံသို့ လာရောက် ပူးပေါင်း ခဲ့ရာမှ ပြသနာ စတင် ခဲ့ပါသည်။ KNU တပ်မဟာ (၅) အဖွဲ့သည်  ၄င်းတို့၏ လူနှင့် လက်နက်များ ပြန်ပေးရန် တောင်းဆိုခဲ့ပြီး BGF သည် အဆင့်ဆင့် အမိန့်များ တောင်းဆိုမှု ကြန့်ကြာ နေသဖြင့် KNU တပ်ဖက်မှ စတင် ခဲ့သည့် ပြသနာပင် ဖြစ်သည်ဟု BGF တပ်မှူး တဦး ဖြစ်သူ ဗိုလ်မှူးကြီး စောချစ်သူက ဆိုပါသည်။
၎င်းပြသနာအား ယခု အစည်းအဝေး၌ ဆွေးနွေး သွားမည် ဖြစ်ကာ အဖွဲ့ အားလုံး၏ ဆုံးဖြတ်ချက် အပါ် နှစ်ဖက် စလုံးက လိုက်နာ သွားကြရန် ဖြစ်ပါသည်။ အောက်ခြေ ၌ ဖြစ်ပွားသော ပြသနာများကို လက်နက်ဖြင့် ဖြေရှင်းခြင်း မပြုကြရန်နှင့် ငြိမ်းချမ်းသည့် နည်းလမ်းဖြင့် ဖြေရှင်းကြရန် အတွက် ထပ်မံ ဆွေးနွေး သွားမည် ဖြစ်ကြောင်း ဆိုပါသည်။
ဤကဲ့သို့ ပြသနာ ဖြစ်ခဲ့ကြ သော်လည်း ကရင် လက်နက်ကိုင် အဖွဲ့များ ညီညွတ်ရေး ကော်မီတီသည် ပြီးခဲ့သည့် မေလ (၂၈) ရက်နေ့တွင် ၄င်းတို့ သဘော တူခဲ့သော အချက် (၇) ချက်ကို ဆက်လက် အကောင်အထည် ဖေါ်နိုင်ရန် သုံး သပ်ကြမည်ဟု ဗိုလ်မှူးကြီး ပဒို ဖောဒို့က ဆိုပါသည်။
အထူးသဖြင့် ကရင် လက်နက်ကိုင် အဖွဲ့များ ကြားရှိ လက်နက်ကိုင် ပဋိပက္ခ ပြသနာများ၊ ကရင် ပြည်နယ် တွင်းရှိ မူးယစ်ဆေးဝါး ပြသနာများကို ကိုင်တွယ်ရန်နှင့် အဖွဲ့စုံ ပါဝင်သော စုပေါင်းရုံး တရပ် ထားရှိရေး ကိစ္စများကို ဆွေးနွေး ကြမည် ဖြစ်ကြောင်း ဆိုပါသည်။ ဤအထဲတွင် မူးယစ် ဆေးဝါး ပြသနာ များအား ကိုင်တွယ် ဖြေရှင်းနိုင်ရန် အတွက် သီးသန့် ဆပ်ကော်မတီ တခုကိုလည်း ယခု ဆွေးနွေး ပွဲတွင်ပင် ဖွဲ့စည်းသွားနိုင်ရန် ရှိပါသည်။
ဒီမိုကရေစီ ကရင် အကျိုးပြု တပ်မတော် (DKBA ) ကမူ ယခင် ဆုံးဖြတ် ထားသည့် အချက် (၇) ချက် အပြင် အမျိုးသား ပြန်လည် ရင်ကြား စေ့ရေးကို ပိုမို အလေးထား သွားရန် တင်ပြ သွားမည်ဟု ကလိုးထူးဝါး ကွပ်ကဲရေး တပ်ဖွဲ့မှ ဗိုလ်မှူးဝေ့လေက ဆိုပါသည်။ ထို့ပြင် မယ့်တဝေါ့ ဘက်တွင် နေရာယူ ထားကြသည့် DKBA နှင့် BGF အဖွဲ့တို့၏ နယ်မြေ သတ်မှတ်မှုကိုလည်း တင်ပြရန် ရှိပါသည်။  
အဆိုပါ (၃) လပါတ် အစည်း ဝေးသို့  တက်ရောက်သော KNU ကိုယ်စားလှယ်များမှာ စစ်ဦးစီးချုပ် ဗိုလ်ချုပ်ကြီး  ဂျော်နီ ဦးဆောင်သည့် ကိုယ်စားလှယ် (၆) ဦးနှင့် BGF မှ ဗိုလ်မှူးကြီး ချစ်သူ ဦးဆောင်သည့် တပ်နယ်မှူးနှင့် တပ်နယ် အကြံပေး အရာရှိများ အပါအ၀င် ကိုယ်စားလှယ် (၁၀) ဦးခန့် တက်ရောက် ကြမည် ဖြစ်သည်။
အလားတူ DKBA ကလို့ထူးဝါး စစ်ဗျူဟာ ကွပ်ကဲရေး တပ်ဖွဲ့မှ ဗိုလ်မှူး ဝေ့လေနှင့်ဗိုလ်မှူး သရီးထူး၊ ကရင် ငြိမ်း ချမ်းရေး ကောင်စီ (KNU/KNLA-PC) မှ ဖိုးရင်နု ဦးဆောင်သည့် အဖွဲ့၊ ဘုရားကုန်း အဖွဲ့မှ ဦးမြင့်သန်းနှင့် ကရင် ငြိမ်း ချမ်းရေးတပ်ဖွဲ့ (KPF) မှကွပ်ကဲရေး တာဝန်ခံ ကိုယ်စားလှယ်များ တက်ရောက်မည် ဖြစ်သည်။
ကရင် လက်နက်ကိုင် အဖွဲ့အစည်းများ ညီညွတ်ရေး ကော်မတီကို ကရင် လက်နက်ကိုင် အဖွဲ့စုံမှ ကော်မီတီဝင် (၁၇) ဦးဖြင့် ဖွဲ့စည်း ထားသည်။
အဖွဲ့ခေါင်းဆောင်မှာ KNU စစ်ဦးစီးချုပ် ဗိုလ်ချုပ်ကြီး စောဂျောနီ ဖြစ်ကာ ကျန်အဖွဲ့ဝင် များမှာ ပဒိုဖောဒို့ (KNU ) ပဒိုရွှေမောင်း (KNU)၊ ပဒိုအောင်မော်အေး (KNU) ၊ဗိုလ်မှူး ချစ်သူ(BGF) ၊ ဗိုလ်မှူး စောကြာအဲ (BGF) ၊ ဒေါက်တာ စောဌေးမြင့် (BGF) ၊ ဖိုးရင်နု (KNU/KNLA-Peace Council) ၊  ဗိုလ်မှူးကြီး စောယိုရှူး၊ ဦးမြင့်သန်း၊ ဦးကျော်မြင့် (ဘုရားကုန်း အဖွဲ့) ၊ ဗိုလ်ချုပ် မိုရှေး (DKBA) ၊ ဗိုလ်မှူးကြီး စောကျော်သက် (DKBA) ၊ ဗိုလ်မှူးကြီး စောသန်းအောင် ၊ ဗိုလ်မှူး စတီဗာ (KPF) ၊ စောနေ၀င်း (KPF) ၊ စောအယ်မိုး (KPF) တို့ဖြစ်ပါသည်။

ငြိမ်းချမ်းရေးလုပ်ငန်းစဉ်ကို ယုံကြည်သော်လည်း KNU ၏ ကံကြမ္မာကို ၀ကွက်အပ်မည်မဟုတ်

ref : http://www.mizzimaburmese.com/

ကေဇင်ဦး | အင်္ဂါနေ့၊ သြဂုတ်လ ၂၇ ရက် ၂၀၁၃ ခုနှစ် ၁၀ နာရီ ၃၄ မိနစ် 

  သမ္မတဦးသိန်းစိန်၏ ငြိမ်းချမ်းရေးလုပ်ငန်းစဉ်များကို ယုံကြည်သော်လည်း ကရင်အမျိုးသားအစည်းအရုံး (KNU)၏ ကံကြမ္မာကို “၀”ကွက်အပ်မည်မဟုတ်ကြောင်း KNU ဗဟိုအလုပ်အမှုဆောင် မန်းငြိမ်းမောင်က သြဂုတ် ၂၅ ရက်တွင် မဇ္ဈိမကို ပြောသည်။

မန်းငြိမ်းမောင်က “ကျွန်တော်တို့မှာလည်း တော်လှန်ရေးအတွေ့အကြုံ၊ နိုင်ငံရေး အတွေ့အကြုံတွေ ရှိပါတယ်” ဟု ဆိုလိုက်ပြီး “ကျွန်တော်တို့ နိုင်ငံရေးသတိ အမြဲရှိတယ်”ဟုလည်း ဆက်လက် ပြောကြားခဲ့သေး သည်ဟု သိရသည်။

ကရင်အမျိုးသားအစည်းရုံးသည် သမ္မတ၊ ဒု-သမ္မတ ဒေါက်တာစိုင်းမောက်ခမ်း၊ ၀န်ကြီးဦးအောင်မင်း၊ ကာချုပ်တို့နှင့် ယခုနှစ်ဆန်းက တွေ့ဆုံဆွေးနွေးရာ ပြည်ထောင်စုအဆင့် ငြိမ်းချမ်းရေး ဆွေးနွေးထားသော်လည်း၊ ထာဝရ ငြိမ်းချမ်းရေး သဘောတူညီမှုရရှိရန်၊ နိုင်ငံရေးအရ ဆက်လက်ဆွေးနွေးရန် ပြင်ဆင်နေဆဲ ဖြစ်သည်။

အစိုးရသည် တိုင်းရင်းသား လက်နက်ကိုင်များနှင့် အပစ်အခတ် ရပ်စဲရေးကိုသာ ဆွေးနွေးထားပြီး နိုင်ငံရေးအရ
ဆွေးနွေးသည့်အဆင့်အထိ မရောက်နိုင်ပါက “ဒီမိုကရေစီရေးတို့ တိုင်းရင်းသား ရင်ကြားစေ့ရေးတို့ ဆိုတာ အိပ်မက်တောင် မက်လို့ မရပါဘူး”ဟုလည်း မန်းငြိမ်းမောင်က ထောက်ပြ ဝေဖန်ခဲ့သည်။

ထို့ပြင် “တိုင်းရင်းသားတွေ အားလုံးက ကိုယ့်ပြည်နယ်က ထွက်တာ ကိုယ်နဲ့ဆိုင်တယ်လို့ ယူဆတယ်။ အစိုးရကလည်း တိုင်းပြည်ရဲ့သယံဇာတမှန်သမျှကို ပိုင်ဆိုင်ကြောင်း ၂၀၀၈ ဥပဒေ(အခြေခံဥပဒေ)ထဲမှာ ထည့်သွင်း ပြဋ္ဌာန်း ထားတယ်။ အစိုးရအနေနဲ့ တိုင်းရင်းသားတွေရဲ့ အရေးကို ပြေလည်ချင်တဲ့စိတ် အမှန်တကယ်ရှိရင် ဒါကို ပြန်ပြီး သုံးသပ်ဖို့ လိုပါတယ်”ဟု မန်ငြိမ်းမောင်က ဆက်လက် ပြောကြားခဲ့သေးသည်။

ဒေါနတောင်နဲ့ တုတ်တပြက်ဓားတပြက်

ဒါနတောင်ကျော်ကားလမ်းတွင်ယမန်နေ့က မြ၀တီမြို့မှ ကော့ကရိတ်မြို့သို့ရာပေါင်းများစွာသော ကားကြီးကားငယ်များ မောင်းနှင်သွားစဉ် ယာဉ်တိုက်မှုတချို့ဖြစ်ပွားရာ ယာဉ်မောင်းသူများ တုတ်ဆွဲဓားဆွဲကာ အချင်းများခဲ့ကြသည်။
ယမန်နေ့က ဒေါနတောင်ကျော်ကားလမ်း ကော့ကရိတ်အပိုင်းတွင် ပိတ်မိနေသည့်ယာဉ်တို့ကို ဤသို့ တွေ့နိုင်သည် (ဓာတ်ပုံများ-ပြည်တော်မြင့်/ဧရာဝတီ)

မော်တော်ယာဉ်များ ၂ နာရီကျော် ပိတ်မိခဲ့ပြီး ထောင်နှင့်ချီသည့် ခရီးသွားများ ဒုက္ခရောက်ခဲ့ကြရသည်။

ဤသို့သော မြင်ကွင်းမျိုးကို  ဒေါနတောင်ကျော်ကားလမ်းတွင် နေ့စဉ်နီးပါး တွေ့မြင်ရမည်ဟု ခရီးသွားများကပြောသည်။

အာဏာပိုင်များဝင်ရောက်ဖြေရှင်းပေးခြင်းမရှိသေးသည့် ထိုအချင်းများမှု အခြေအနေမှာ တနေ့ထက်တနေ့ ပိုမိုဆိုးရွားလာသည်ဟု ပုံမှန်သွားလာနေသည့် ခရီးသည်များကပြောသည်။

ယမန်နေ့ကဖြစ်ပွားခဲ့သော တုတ်ဆွဲဓားဆွဲကာ အချင်းများမှုနှင့် ပတ်သက်ပြီး လူသေဆုံးခြင်း၊ ဒဏ်ရာအကြီးအကျယ်ရခြင်း စသည့် သတင်းများ မကြားရပါ။
ကုန်သည်တဦးက”ကားသမားတွေ၊ ခရီးသွားတွေ၊ ဘန်ကောက်ပြန် အလုပ်သမားတွေဆီကနေ နည်းမျိုးစုံနဲ့ အာဏာပိုင်တွေက ငွေကြေးတောင်းခံတာတွေရှိတယ်၊ခရီးသွားတွေ အခက်အခဲဖြစ်တော့ ဘယ်သူမှ ပေါ်မလာဘူး။ ဒီလိုအောက်တန်းကျတဲ့စိတ်ဓာတ်တွေကို ပြင်ဖို့လိုတယ်” ဟု ဆိုသည်။

ခရီးသွားမြန်မာအလုပ်သမား အများစုကလည်း ဒေါနတောင်ကျော်ကားလမ်းပေါ်မှ ဖြစ်ပျက်နေသည့် အနေအထားကို မြန်မာမီဒီယာများတွင် ထည့်သွင်းဖော်ပြသင့်သည်ဟု ဆိုနေကြသည်။

ဒေါနတောင်ကျော်ကားလမ်း မြ၀တီ-ကော့ကရိတ်အပိုင်အတွင်း ထိုင်းဘက်မှ ပြန်လာကြသည့် မြန်မာအလုပ်သမားများကို တဦးလျှင် ကျပ် ၅၀၀ မှ ၁,၀၀၀ အကြား ငွေကြေးကောက်ခံသည့် ဂိတ် ၅ ခုရှိသည်ဟု မျက်မြင်သက်သေ ခရီးသွားတဦးကပြောသည်။

ထိုဂိတ်များကို အာဏာပိုင်အဖွဲ့ များ၊ ငြိမ်းချမ်းရေးအဖွဲ့များက တာဝန်ယူထားသည်။




ref :http://blog.irrawaddy.org/2013/03/blog-post_3413.html#more

ကရင်တိုင်းရင်းသားတို့၏ ပထမဆုံး စုစည်းတွေ့ဆုံမှု

ပထမအကြိမ်မြောက် ကရင်ရေးရာ အစည်းအဝေး စတင်ကျင်းပခြင်း

မတ်လ ၂၉ ရက်၊ ၂၀၁၃ ခုနှစ်။ (ကေအိုင်စီ)

ပထမအကြိမ်မြောက် ကရင်ရေးရာအစည်း အဝေးဖွင့်ပွဲ အခမ်းအနားကို ယနေ့မြန်မာစံတော်ချိန် မနက် ၈နာရီ အချိန်တွင် ကရင်ပြည်နယ်၊ ဖားအံမြို့ အမှတ်(၃) ရပ်ကွက်ရှိ ဇွဲကပင်ခန်းမ၌ စတင်ပြုလုပ် ကျင်းပ ခဲ့သည်။

၎င်းဖွင့်ပွဲအခမ်းအနားသို့ မြန်မာအစိုးရ သမ္မတရုံးရေးရာ ၀န်ကြီး ဦးအောင်မင်း အပါအ၀င် မြန်မာငြိမ်းချမ်း ရေးစင်တာ-MPC အဖွဲ့ဝင်များ၊ ပြည်နယ်အစိုးရအဖွဲ့၊ ကရင်ဒေသများနှင့် ကရင်စာပေ အဖွဲ့အစည်း အသီး သီးမှကိုယ်စားလှယ်များ စုစုပေါင်း၅၀၀ နီးပါး တက်ရောက်ခဲ့ကြသလို တောင်ကလေး ဆရာတော်ဦး ပညာသာမိကလည်း သ၀ဏ်လွှာပေးပို့ခဲ့သည်။

ဖွင့်ပွဲအပြီးတွင် အစိုးရအဖွဲ့ဝင်ဝန်ကြီးများက ဇွဲကပင်ခန်းမ မှ ပြန်လည်ထွက်ခွားသွားခဲ့ကြပြီး ကရင်ရေးရာ အစည်းအဝေးကို စတင်ကျင်းပခဲ့ရာ ကရင်ပြည်နယ်၊ မွန်ပြည်နယ်၊ ရန်ကုန်တိုင်း၊ ပဲခူးတိုင်း၊ ဧရာဝတီတိုင်း၊ တနင်္သာရီတိုင်း၊ မြန်မာပြည် အထက်ပိုင်းမှ ကရင်လူမှုရေး၊ နိုင်ငံရေး စာပေယဉ်ကျေးမှု အဖွဲ့များမှ ကိုယ်စား လှယ်များ၊ အနုသုခုမအဖွဲ့ဝင်များ၊ လွှတ်တော်အမတ်အဖွဲ့ ကရင်လူငယ်နှင့် အမျိုးသမီးအဖွဲ့ဝင်များ၊ ကေအဲန်ယူ အပါအ၀င် မြန်မာအစိုးရနှင့် အပစ်အခတ်ရပ်စဲထားသော ကရင်လက်နက်ကိုင်အဖွဲ့များနှင့် နယ်ခြားစောင့်တပ် များ ပါဝင်ခဲ့ကြသည်။

ယခုအစည်းအဝေး၏ ဆောင်ပုဒ်မှာ ‘ကရင့်ဘ၀လှပဖို့ ညီညီညွတ်ညွတ် လက်တွဲစို့’ ဟူ၍ဖြစ်ပြီး ရည်ရွယ်ချက်မှာ စစ်မှန်တည်တံ့သော ငြိမ်းချမ်းရေး၊ စည်းလုံးညီညွတ်ရေးနှင့် ကရင့်အနာဂတ်ရေးတို့အပေါ် အခြေခံကာ ဆွေး နွေးသွားသည့် အစည်းအဝေးဖြစ်သည်။

အစည်းအဝေးသဘာပတိ ဘဒ္ဒန္တ အရှင်စန္ဒာဝရက “ကရင်ရေးရာ အစည်းအဝေးပွဲမှာ အပြုသဘောဆောင်တဲ့ ဆွေးနွေး ချက်တွေကို ဒီရရှိလာတဲ့အချိန်လေးမှာ တန်ဖိုးရှိရှိ အကျိုးရှိရှိ ထိထိမိမိ လိုရင်တိုရှင်း ဆွေးနွေးတင်ပြ စေချင်ပါတယ်။

ဒါမှသာ အားလုံးကို လေးစားရာရောက်ပြီး ကရင်လူမျိုးရဲ့ စည်းလုံးရေး၊ ငြိမ်းချမ်းရေးနဲ့ လှပတဲ့ အနာဂတ်ကို ဖော်ဆောင်ပေးမယ့် သမိုင်းတွင်မယ့် ပွဲတစ်ပွဲ ဖြစ်လာနိုင်ပါတယ်”ဟု မြွက်ကြားပြောဆိုသည်။

အစီအစဉ်အရ သက်ဆိုင်ရာ အဖွဲ့ကိုယ်စားလှယ်များက ယခုအစည်းအဝေးပွဲနှင့် ပတ်သက်၍ ၎င်းတို့၏ သဘော ထားများကို တင်ပြခြင်း၊ တစ်သီးပုဂ္ဂလကိုယ်စားလှယ်များက သဘောထားစာတမ်းများပေးပို့ခဲ့ကြရာ လက်ရှိ အချိန်သည် အပစ်အခတ်ရပ်စဲနေသော်လည်း ကရင်လူမျိုးများအတွက် ဥပဒေအရ လုံခြုံမှု မရှိသေးကြောင်း၊ တိုင်းရင်းသားလူမျိုးများ၏ အခြေခံရပိုင်ခွင့်ပြည့်ဝသည့် ဖွဲ့စည်းပုံ အခြေခံဥပဒေ လိုအပ်ကြောင်း၊ လူ့အခွင့် အရေးချိုးဖောက်မှုများကို ကရင်လူမျိုးများက စည်းလုံးညီညွတ်စွာ တွန်းလှန်ကာကွယ်သွားရန်၊ ကရင်ဒေသရှိ သယံဇာတနှင့် သဘာဝပတ်ဝန်းကျင်များ ထိန်းသိမ်းစောင့်ရှောက်ရန် စသည်တို့ ပါဝင်သည်။

မွန်းလွဲပိုင်းတွင် အစည်းအဝေး၏ ရည်ရွယ်ချက်ပါ အချက်သုံးချက်အတိုင်း အုပ်စုလိုက်ဆွေးနွေးပွဲကို ပြုလုပ်ခဲ့ ကြပြီး ရရှိလာသည့် အချက်အလက် များကို မှတ်တမ်းအဖွဲ့မှ စုဆောင်းထားကာ ဒုတိယနေ့တွင် ဆက်လက် ဆွေးနွေးသွားမည်ဖြစ်သည်။

အလားတူ ညပိုင်းဆွေးနွေးပွဲကို ဖားအံမြို့ အမှတ်(၃) ရပ်ကွက်ရှိ သုမေဓါရာမ ကြားတောရ ဘုန်းကြီးကျောင်း တွင် ဆက်လက်ပြုလုပ်ခဲ့ကြပြီး အစည်းအဝေး ဒုတိယနေ့(နောက်ဆုံးနေ့)တွင် နှစ်ရက်တာ ကရင်ရေးရာ အစည်းအဝေးနှင့် ပတ်သက်၍ သတင်းစာရှင်းလင်းပွဲ ပြုလုပ် သွားမည်ဖြစ်သည်။


နှစ်ပေါင်းများစွာကာလအတွင်း မတူကွဲပြားစွာ ရပ်တည်လှုပ်ရှားနေကြသည့် ကရင်တိုင်းရင်းသားအဖွဲ့ပေါင်းစုံသည် ယနေ့  ပထမဆုံးအကြိမ် တွေ့ဆုံပြီး စည်းဝေးနေကြသည်။

ကရင်ပြည်နယ် ဘားအံမြို့တွင် ပြုလုပ်နေသည့် အစည်းအဝေး မြင်ကွင်းများကို ဖော်ပြလိုက်ပါသည်။
 နှစ်ပေါင်း ၆၀ ကျော်ကာလအတွင်း ပေါ်ပေါက်လာသည့် ကရင်တိုင်းရင်းသားအဖွဲ့ပေါင်းစုံ၏ ပထမဆုံးအကြိမ် တွေ့ဆုံ ညှိနှိုင်းပွဲကို ကရင်ပြည်နယ် ဘားအံမြို့တွင် ယနေ့ တွေ့မြင်ရမည်ဖြ စ်သည်။ တရားမ၀င် ကရင်လက်နက်ကိုင်အဖွဲ့များ၊ တရားဝင် ကရင်နိုင်ငံရေးပါတီများ၊ ကရင် NGO များ၊ ကရင်အမျိုးသားအရေး ဆောင်ရွက်နေကြသည့် အလွှာအသီးသီးမှ အဖွဲ့အစည်းများ တက်ရောက်ကြသည့် ပထမအကြိမ် ကရင်ရေးရာအစည်းအဝေးကြီး ဖြစ်သည်။

(ဓာတ်ပုံများ- ပြည်တော်မြင့်/ဧရာဝတီ)

ကိုယ်စားလှယ် ၄၀၀ ကျော်တက်ရောက်နေသည့် ဤအစည်းအဝေးကြီးကို မြန်မာနိုင်ငံအတွင်းရှိ ကရင်အမျိုးသားလုံး စည်းလုံးညီညွှတ်ရေး၊ အခြားသောတိုင်းရင်းသားလူမျိုးများနှင့် အတူတကွ ချစ်ကြည်ရင်းနှီးစွာ နေထိုင်နိုင်ရေး စသည့် ရည်ရွယ်ချက်များဖြင့် ကျင်းပနေခြင်းဖြစ်သည်ဟု အစည်းအဝေး ကျင်းပရေး အဖွဲ့ဝင်တဦးက ဧရာဝတီသတင်းဌာနကို ပြောသည်။ ဤအစည်းအဝေး ပြုလုပ်မည့် သတင်းကို ကရင်အဖွဲ့စုံ ပထမဆုံးအကြိမ် ဘားအံမှာတွေ့ကြမယ် ဟူသော ခေါင်းစဉ်ဖြင့် ဧရာဝတီ http://blog.irrawaddy.org/2013/03/blog-post_8945.html တွင် ဖော်ပြခဲ့ပြီးဖြစ်သည်။

 

ယနေ့ အစည်းအဝေးကြီးသို့ တက်ရောက်လာသူများထဲတွင် ဗဟို နှင့် ပြည်နယ်အစိုးရ၀န်ကြီးများလည်း ပါဝင်သည်။ ကရင်အမျိုးသားများ ချစ်ကြည် စည်းလုံးစွာ အတူတကွ နေထိုင်စေလိုကြောင်း၊ ဤအစည်းအဝေးကြီး ဖြစ်မြောက်စေရန် အစိုးရက စီစဉ် ဆောင်ရွက်ပေးခြင်းဖြစ်ကြောင်း ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီ ဒုဥက္ကဋ္ဌ၊ ပြည်ထောင်စုဝန်ကြီး ဦးအောင်မင်း၊ ကရင်ပြည်နယ်အစိုးရ ၀န်ကြီးချုပ်ဦးဇော်မင်းတို့က ပြောဆိုကြသည်။ ကရင်ရေးရာအစည်းအဝေးကြီး “တကယ်ဖြစ်စေချင်လို့ ဒီပွဲကို ကျနော် ကိုယ်တိုင် လာတက်တာဖြစ်တယ်” ဟု ဦးအောင်မင်းက ဧရာဝတီသတင်းဌာနကို ပြောသည်။ ကရင်အမျိုးသားအစည်းအရုံး KNU မှ ပဒိုမန်းငြိမ်းမောင်က ၎င်းတို့သည် ပြည်ထောင်စုမှခွဲထွက်မည့် အဖွဲ့ မဟုတ်ကြောင်း ကရင်ရေးရာအစည်းအဝေးတွင် အတိအလင်းပြောကြားခဲ့သည်။ ဘားအံမြို့၊ ဇွဲကပင်ခန်းမတွင် ယနေ့မှစတင်ကာ ၂ ရက်ကြာ ကျင်းပမည့် အစည်းအဝေးတွင် ကရင်အမျိုးသားထုအတွင်း မတူညီသော အမြင်သဘောထားများကို ဆွေးနွေးနေကြရာ ကရင်အမျိုးသားများ၏အနာဂတ်အရေးနှင့် ပတ်သက်ပြီး အကောင်အထည်ဖေါ်ဆောင်ရွက်မည့် လုပ်ငန်းစဉ်များ ချမှတ်သွားမည်ဟု သိရသည်။

 ပြည်တော်မြင့် ~

အခမ်းအနားကျင်းပပုံများ

ဂေါဒန်ကျောက် ကျိန်စာသင့်နေတဲ့ လှိုင်းဘွဲ့

ကရင်ပြည်နယ် လှိုင်းဘွဲ့မြို့နယ် မြောက်ဘက်တွင် ကုမ္ပဏီ ၅ ခုက ဂေါဒန်ကျောက်များကို  တူးဖော်ကာ
ဘားအံမြို့သို့ သယ်ယူရာတွင်  ဖြစ်ကတတ်ဆန်း ဆောင်ရွက်သဖြင့် ကြီးမားသော ဆိုးကျိုးများနှင့် ရင်
ဆိုင်နေရသည်ဟု ဒေသခံတို့က ပြောသည်။

အများအသုံးပြုသည့် လှိုင်းဘွဲ့ချောင်း ရေထုညှစ်ညမ်းခြင်း၊  သဘာဝပတ်ဝန်းကျင် ပျက်စီးခြင်း၊  ရေ
ခမ်းခြောက်ခြင်း၊   နေ့စဉ်နှင့်အမျှ ဖုန်လုံးကြီးများ ထနေခြင်း စသည့် အခြေအနေများအောက်တွင်
 နေထိုင်ကြရသည်ဟု ကွီးလေးရွာ နှင့်အခြား ဆက်စပ်ရွာများမှ ဒေသခံတို့က ပြောသည်။

“မနှစ်က စပြီး ကုမ္ပဏီတွေက ဂေါဒန်တွေကို လာတူးကြတာ ဖြစ်တယ်။ ယန္တယားစက်ကြီးတွေနဲ့ တူးပြီး
၁၈ ဘီးကား၊  ၁၂ ဘီး ကားတွေနဲ့ ရွာတွေထဲ ဖြစ်ပြီး ဘားအံ ဘိလပ်မြေစက်ရုံကို ပို့တာ” ဟု 
ကွီးလေးရွာသားတဦးက ဧရာဝတီသတင်းဌာနကို ပြောသည်။

“မြစ်ကို ပိတ်ပြီး တူးတာတွေရှိတော့ ချောင်းကောပြီး ရေမရှိတော့ဘူး။ နေ့စဉ် အစီးရေ ၃၀ လောက်
သွားလာနေတော့ ရွာတွေကို ကြည့်လိုက်ရင် ဖြူဖွေးနေတာပဲ။
 လမ်းတွေလည်း ပျက်တာ ရစရာမရှိတော့ဘူး။ ဘယ်အာဏာပိုင်ကိုပဲ ပြောပြော ဘာအရေးယူတာမှ
မရှိဘူး။ တနယ်လုံး အားကိုးရာမဲ့နေပြီ” ဟု သူက ဆက်ပြောသည်။

ကွီးလေးကျေးရွာရှိ   ဂေါဒန်ကျောက် ထုတ်လုပ်မှု လုပ်ငန်းခွင် တခု (ဓာတ်ပုံများ - ပြည်တော်မြင့်/ဧရာဝတီ) - See more at: http://blog.irrawaddy.org/2013/02/blog-post_4157.html#more

ယခင်က ဂေါဒန်ကျောက် တူးဖော်ခြင်း မရှိသော်လည်း ကရင်အမျိုးသားအစည်းအရုံး (KNU) နှင့်
အစိုးရတို့အကြား ပဏာမ အပစ်အခတ် ရပ်စဲရေး လက်မှတ် ရေးထိုးပြီးချိန်မှစတင်ခဲ့ခြင်းဖြစ်သည်ဟု
လှိုင်းဘွဲမြို့ခံ ဦးဖပစ်က ဆိုသည်။

“အရင်က ဒီဒေသမှာ နယ်မြေ မအေးချမ်းလို့ ဆိုပြီး ဂေါဒန်ကျောက် မထုတ်ရဲဘူး။ ဒီကျောက်က
ဘိလပ်မြေ ထုတ်တဲ့နေရာမှ အဓိကကုန်ကြမ်းဖြစ်တော့ တန်ဘိုး ရှိတယ်” ဟု ဦးဖပစ်က ပြောသည်။

“နောက်ဆုံးသိရတာက ကုမ္ပဏီတွေက ဒီကျောက် ထုတ်ဘို့အတွက် KNU နဲ့ နယ်ခြားစောင့်တပ် BGF အဖွဲ့၊ 
အခြား ဌာနဆိုင်ရာတွေကို အခွန်ပေးပြီး လုပ်ကြတာဖြစ်တယ်၊  ဒေသခံတွေကတော့ ဖုန်မှုန့်ပဲ နေ့စဉ်
စားနေရတယ်” ဟု ဦးဖပစ်က ဆက်ပြောသည်။


    ၁၀ ဘီးတပ် ကျောက်ကား တစီး သယ်ဆောင်နိုင်မှု -  တန် ၂၀ ခန့်
    KNU နှင့် BGF အဖွဲ့ကို အခွန် ပေးဆောင်မှု - တတန်လျှင် ကျပ် တသောင်းနှုံး

KNU နှင့် BGF အဖွဲ့တို့က ကျောက်ကားတစီးလျှင် ကျပ် ၂ သိန်းစီ အခွန်ငွေ ရကြသည်ဟု ဆိုသည်။

၎င်းကိစ္စနှင့်ပတ်သက်၍ သက်ဆိုင်သူများကို ဧရာဝတီက မေးမြန်းသည့်အခါ ငွေကြေးကိစ္စအကြောင်း
ဖြေကြားခြင်း မရှိကြသော်လည်း   ဒေသခံများ အနာဂတ်တွင် အကျိုးဖြစ်ထွန်းလာမည်ဟုသာ
ဖြေဆိုကြသည်။

ကုမ္ပဏီတို့၏ လှုပ်ရှားမှုများ

လှိုင်းဘွဲ့ဒေသအတွင်း ဂေါဒန်ကျောက် ထုတ်လုပ်နေသည့်ကုမ္ပဏီ ၅ ခုမှာ  ချစ်လင်းမြိုင်၊ သစ္စာပြည့်စုံ၊
ရွှေနှင်းသာ၊  လေဒီမြင့်၊  ရှင်းသန့်ချမ်းသာ တို့ ဖြစ်သည်။

၎င်းကုမ္ပဏီများသည် ကျောက်ထုတ်လုပ်မှုကြောင့် ဒေသခံများ တစုံတရာ ထိခိုက်မှု မရှိကြောင်း လက်မှတ်
ရေးထိုးကြရန် ဒေသခံများကို လိုက်လံ စည်းရုံးနေသည်ဟု ဒေသခံ အုပ်ချုပ်ရေးမှူးတဦးက ပြောသည်။

ကရင်ပြည်နယ်အစိုးရအဆင့် တာဝန်ရှိသူများနှင့် ပူးပေါင်းကာ စည်းရုံးနေခြင်း ဖြစ်သည်ဟု ဆိုသည်။

အဆိုပါ လုပ်ငန်းခွင် ရပ်တန့်နိုင်ရန်အတွက်  KNU ထံသို့ အကူအညီ  တောင်းခံထားသည်ဟု ဒေသခံများက
ပြောသည်။

သတင်းမူရင်း = http://blog.irrawaddy.org/2013/02/blog-post_4157.html#more

ကရင်အမျိုးသားအစည်းအရုံး -KNU နေ့နှင့် ကရင့်အမျိုးသားနေ့ ဖြစ်ပေါ် လာပုံ ဗဟို အလုပ်အမှုဆောင် ပဒိုစောသမိန်ထွန်းအား ကေအိုင်စီ မှ တွေ့ဆုံမေးမြန်းခြင်း

တွေ့ဆုံမေးမြန်းခြင်း

ကေအိုင်စီ – ဖေဖော်ဝါရီလ ၅ရက်နေ့က ကရင်အမျိုးသားအစည်းအရုံး-KNU နေ့ဆိုတော့ KNU စတင်ဖြစ်ပေါ်လာပုံကို ပြောပြ ပေးပါလား။
KNU နေ့ ဖြစ်ပေါ်လာပုံအနေနဲ့ ပြောပြရမယ်ဆိုရင်တော့ ဒီနေ့ဟာ ကရင်တမျိုးသားလုံး အတွက် အင်မတန်မှ အရေးပါတဲ့ အကြောင်းအရာတချက်ပဲ။ အရင်က ကျနော်တို့ ကရင်အဖွဲ့အစည်းတွေမှာက အမျိုးမျိုးရှိတယ်။ ၁၈၈၁ ခုနှစ်က KNA-Karen National Association ဟာ ကရင်တမျိုးသားလုံးရဲ့ ပထမဦးဆုံး အဖွဲ့အစည်းဖြစ်တယ်။ ဒီအဖွဲ့က လှုပ်ရှားနေရင်းနဲ့ ကရင်တမျိုး သားလုံးက ပညာရေးဘက်မှာ မြင့်မားလာတယ်။ ကရင်စာပေယဉ်ကျေးမှုတွေကို တရားဝင် အစိုးရကျောင်းတွေမှာ သင်ခွင့်ရ လာပြီး အသိအမှတ်ပြုခံရတယ်။ ဒီလိုနဲ့ ပထမကမ္ဘာစစ်ပြီးတဲ့နောက်ပိုင်းမှာ ကရင်တွေက အမျိုးသားရေး ပိုပြီး နိုးကြားလာတယ်။
ဗမာပြည်ရဲ့ နိုင်ငံရေးလှုပ်ရှားမှုအနေအထားပေါ်မှာ ကရင်လူမျိုးတွေကလည်း နိုးကြားတက်ကြွလာတယ်။ အဲဒီအချိန်ခါ မှာလည်း ကရင်ဗုဒ္ဓဘာသာအဖွဲ့တွေဆိုရင် BKNA -Buddha Karen National Association ဆိုတဲ့ အဖွဲ့ပေါ်လာတယ်။ ဒီအဖွဲ့ လည်း ကရင်အမျိုးသား အဖွဲ့ကြီးတဖွဲ့ဖြစ်လာတယ်။ ဖြစ်လာပြီး ဒုတိယကမ္ဘာစစ်ဖြစ်ခါနီးမှာ အာရှအရှေ့ဖျားကလည်း နိုင်ငံရေး နိုးကြားမှုတွေ ပေါ်ပေါက်လာတဲ့အခါ ကရင်တွေက တခါ KYO ဆိုတဲ့ ကရင်လူငယ်အစည်းအရုံး ပေါ်ပေါက်လာပြန်တယ်။ ကရင် အဖွဲ့အစည်းချည်းပဲ ကိုလိုနီခေတ်မှာ ၃ဖွဲ့ ရှိပြီ။ ဒုတိ ယကမ္ဘာစစ်ဖြစ်တော့ တခါ BIA-ဗမာ့တပ်မတော်တွေက ကရင်တွေနဲ့ ပဋိ ပက္ခ ဖြစ်ကြတယ်။ အဲဒီမှာ ကရင်အမျိုးသားတွေဟာ BIA ရဲ့ အကြီးအကျယ် နှိပ်စက်မှုတွေ၊ အနိုင်ကျင့်မှုတွေ ခံရတယ်။ မြောင်း မြဂွင်၊ မြစ်စကျွန်းပေါ်နဲ့ အရှေ့ဘက် ဖာပွန်က ထင်ထင်ရှားရှား အမှတ်အသားဖြစ်ခဲ့တယ်။ ကရင်ခေါင်းဆောင်ကြီးတွေက အမြော်အမြင်ရှိရှိနဲ့ ဒီပြဿနာမျိုးတွေ မဖြစ်အောင် ဂျပန်ခေတ်မှာ တခါ KCO ဆိုတဲ့ Karen Center Organization ကရင်ဗဟို အဖွဲ့ချုပ်ကိုလည်း ပြန်ဖွဲ့လိုက်တယ်။ ဖွဲ့လိုက်တော့ ကရင်မှာ အဖွဲ့အစည်းကြီး ၄ဖွဲ့ရှိလာတယ်။
ဒုတိယကမ္ဘာစစ်ပြီးနောက်ပိုင်းမှာ ကမ္ဘာ့နိုင်ငံရေးက ပြောင်းလဲလာတယ်။ အနောက်တိုင်းအရင်းရှင်အုပ်စုနဲ့ အရှေ့ ဘက်က ဆိုရှယ်လစ်အုပ်စုဆိုတာ ဖြစ်လာတယ်။ အထူးသဖြင့် မလွတ်လပ်သေးတဲ့ တိုင်းပြည်တွေကလည်း လွတ်လပ်ရေးရ အောင် ကြိုးပမ်းနေတဲ့ ကာလဖြစ်သလို တိုင်းမရှိ ပြည်မရှိ လူမျိုးတွေကလည်း တိုင်းပြည်ရှိအောင် ကြိုးစားတယ်။ အဲဒီကာလမျိုး မှာ ကရင်တွေက ကရင်ပြည်ရရှိရေး ကြိုးပမ်းလုပ်ဆောင်ကြတဲ့အခါမှာ တယောက်တပေါက်ဖြစ်နေတယ်။ တချို့က ကရင်ပြည် ဆိုတာ မြစ်ဝကျွန်းပေါ်ကော၊ ပဲခူးတိုင်းကော အဲတုန်းက ရန်ကုန်တိုင်းဆိုတာ မရှိသေးဘူး။ အရှေ့ရိုးမ၊ တနင်္သာရီကမ်းမြောင် ဒေသတစ်ခုလုံးကို ကရင်ပြည်အဖြစ်နဲ့ အသိအမှတ်ပြုဖို့ တောင်းဆိုတဲ့အဖွဲ့အစည်းရှိသလို တချို့ကလည်း မြစ်ဝကျွန်းပေါ်နဲ့ အရှေ့တိုင်းတခုလုံးကို တောင်းဆိုတာရှိတယ်။ တချို့က အရှေ့တနင်္သာရီရိုးမတိုင်းတခုလုံးကို ကရင်ပြည်အဖြစ် တောင်းဆိုတာ တွေလည်း ရှိတယ်။ ကွဲကွဲပြားပြားဖြစ်တော့ နိုင်ငံရေးလှုပ်ရှားမှုမှာ အခက်အခဲရှိတယ်။ ဒီအပေါ်မှာ တစုတစည်းတည်းဖြစ် အောင် KNA ကနေ ဦးစီးပြီးမှ အစည်းအဝေးကြီးကို ၁၉၄၇ခုနှစ်မှာ အစည်းအဝေးခေါ်ပြီး ရန်ကုန်မှာ ကရင်တွေ ဆွေးနွေးကြ တယ်။ ဆွေးနွေးကြတော့ ကရင်အဖွဲ့အစည်းတွေ တသံတည်း တစုတည်းဖြစ်ရအောင် အသင်းအဖွဲ့လေးဖွဲ့ KNA၊ BKNA၊ KYO၊ KCO တို့ အားလုံးပေါင်းလိုက်ပြီးမှ ကရင်အမျိုးသားအစည်းအရုံး-KNU ဆိုတဲ့ အဖွဲ့အစည်းကို ၁၉၄၇ ခုနှစ်၊ ဖေဖော်ဝါရီလ ၅ရက် နေ့မှာ စတင် ဖွဲ့စည်းလိုက်တာ ဖြစ်တယ်။ အဲဒါကြောင့် ကရင့်သမိုင်းမှာ ပြန်ကြည့်ရင် KNU ရဲ့သမိုင်းမှတ်တိုင်ဟာ အင်မတန်မှ အရေးကြီးတယ်။
ဗုဒ္ဓဘာသာဖြစ်စေ၊ ခရစ်ယာန်ဘာသာဖြစ်စေ၊ ရိုးရာကိုးကွယ်တာဖြစ်စေ ကရင်အားလုံးနဲ့ သက်ဆိုင်တဲ့ အဖွဲ့အစည်းဖြစ် တော့ KNU အစည်းအရုံးကြီးဟာ ကရင်သမိုင်းမှတ်တိုင်မှာ အရေးကြီးတဲ့ မှတ်တိုင်တခုဖြစ်ခဲ့တယ်။ ယနေ့တိုင် KNU ဟာ နိုင်ငံ ရေး လှုပ်ရှားမှု၊ အမျိုးသားတန်းတူမှုရရှိရေး၊ စစ်မှန်တဲ့ ပြည်ထောင်စုရရှိရေး တနည်းအားဖြင့် ဖက်ဒရယ်ပြည်ထောင်စုပေါ့နော်။ အဲဒါတွေ ရရှိရေးအတွက် ဆက်လက် လုံးပမ်းလာတာ ဖြစ်တယ်။ ဒါကြောင့် သမိုင်းအရ ပြောမယ်ဆိုလို့ရှိရင် KNU ကရင်တမျိုး သားလုံးရဲ့ ဆုံဆည်းရာ အမျိုးသားစည်းလုံးရေး၊ နိုင်ငံရေးနဲ့ပတ်သက်တဲ့ ဆုံဆည်းရာ အဖွဲ့အစည်းကြီးဖြစ်တယ်။

ကေအိုင်စီ – KNU အစည်းအရုံးကို ၁၉၄၇ ခုနှစ် ဖေဖော်ဝါရီလ ၅ရက်နေ့က စတင်ဖွဲ့စည်းလိုက်တယ်ဆိုတော့ ဒီအဖွဲ့ကို ဘယ်သူ တွေက ဦးဆောင်ဖွဲ့စည်းပြီး ဘယ်လိုရည်ရွယ်ချက်တွေနဲ့ အဓိက ဖွဲ့စည်းခဲ့တာလဲ။
 KNU-ရည်ရွယ်ချက်အနေနဲ့ အဲဒီအချိန်က ကမ္ဘာမှာလည်း ခေတ်စားနေတာက မလွတ်လပ်သေးတဲ့ တိုင်းပြည်တွေ လွတ်လပ်ရေး တောင်းဆိုကြိုးပမ်းမှုကို အားပေးကူညီတဲ့ အနေအထားမှာရှိတယ်။ တိုင်းပြည် မရှိသေးတဲ့ လူမျိုးတွေအတွက် တိုင်းပြည်ရှိ အောင် ဆောင်ရွက်ပေးဖို့ လှုံ့ဆော်တဲ့ အနေအထားတွေရှိတယ်။ ဒီအပေါ်မှာ ကရင်အမျိုးသားတွေကလည်း ကရင်ပြည်ရရှိရေး အတွက် လုံးပမ်းကြတာ ဖြစ်တယ်။ အဲဒီအချိန်က ကရင်ပြည်နယ်ဆိုတာလည်း မရှိသေးဘူး။ အောက်ဗမာပြည်၊ ပြည်မကြီးရဲ့ အစိတ်အပိုင်းတခုပဲ ဖြစ်တယ်။ ဗမာပြည်ရဲ့ ပြည်မကြီးမှာပါတာ မွန်၊ ကရင်၊ ဗမာ၊ ရခိုင်တွေ ပါတယ်။ အဲ့လိုဖြစ်နေတော့ ကရင် ပြည်ရရှိရေးကို ကြိုးစားတယ်။ ကိုယ်ပိုင်အုပ်ချုပ်ရေး၊ ကိုယ်ပိုင်ပြဌာန်းခွင့်ရှိတဲ့ ကရင်ပြည်နယ်ကို စတင်တောင်းဆိုခဲ့တာ။ ရပြီး သွားရင်လည်း ထွက်ခွင့်ရရင်ထွက် မရရင် ကိုယ်ပိုင်အုပ်ချုပ်ရေး၊ ကိုယ်ပိုင်ပြဌာန်းခွင့်ရှိတဲ့ သီးသန့် ကရင်ပြည်ကို ကျနော်တို့ တောင်းတယ်။
ရည်မှန်းချက်၊ ဦးတည်ချက်ကတော့ အဲဒီအချိန်က ပြောမယ်ဆိုရင် ကရင်အမျိုးသားတွေရဲ့ တန်းတူမှုအခွင့်အရေး၊ ကိုယ်ပိုင်ပြဌာန်းခွင့်ရှိတဲ့ ကရင်ပြည်ရရှိရေးကို ဦးတည်ပြီးတော့ ဆောင်ရွက်တာဖြစ်တယ်။ KNU ကို ဦးဆောင်တာက ကရင် ခေါင်းဆောင်ကြီးတွေပါပဲနော်။ အဲဒီခေတ်က အင်မတန် အရွယ်ရှိတဲ့ ခေါင်းဆောင်တွေ ဖြစ်တဲ့ စောဘဦးကြီး၊ စံဖိုးသင်တို့၊ ဂျွန် ဆင်ဒီဖိုးမင်းတို့ ပါတယ်။ အဲလို ခေါင်းဆောင်ကြီးတွေ စုစည်းပြီး ပထမဦးဆုံး KNU ဥက္ကဌကတော့ စောစံဖိုးသင် ဖြစ်တယ်။ ဒါပေမယ့် စောစံဖိုးသင်က နိုင်ငံရေးမှာ မတည်ငြိမ်ဘူး။ အဲတော့ KNU ဖွဲ့စည်းပြီးတာ မကြာဘူး။ KYO က ဘာဖြစ်လာတယ်ဆို တော့ KNU ကနေ ခွဲထွက်ပြီးမှ တဖက်တလမ်းကနေ အားပေးကူညီဖို့ ထွက်ခွင့်ပေးပါလို့ ပြောလိုက်တော့ ခွဲထွက်ခွင့် ပေးလိုက် တယ်။
ခွဲထွက်ခွင့်ပေးလိုက်တော့ စံဖိုးသင်ကလည်း KNU ဥက္ကဌနေရာကနေ ထွက်သွားတယ်။ ဒါ လပိုင်းလေးပဲ ကြာပါတယ်။ ၄၇ခုနှစ်၊ ဖေဖော်ဝါရီလ ၅ရက်နေ့က စတင်တာကနေ မတ်၊ ဧပြီလောက်မှာပဲ စောစံဖိုးသင်နေရာကို စောဘဦးကြီး ပြန်ခေါင်း ဆောင်တယ်။ စောဘဦးကြီးက KNU ကို ခိုင်ခိုင်မာမာနဲ့ ဦးဆောင်သွားတယ်။ သူကျရှုံးတဲ့အထိပဲ။ စောဘဦးကြီးဟာ တည်တည် ငြိမ်ငြိမ်နဲ့ ကရင်တွေကို ဦးဆောင်သွားတာဖြစ်တယ်။ ကရင်အမျိုးသားတွေရဲ့ ခေါင်းဆောင်ကြီးလည်း အဓိက စောဘဦးကြီးကိုပဲ အသိအမှတ်ပြုရတာဖြစ်တယ်။

ကေအိုင်စီ – KNU ဟာ ကရင်တမျိုးသားလုံးအတွက် ရပ်တည်ပေးနေတယ်လို့ ပြောတော့ KNU ဟာ ကရင်တမျိုးသားလုံးအ တွက် ဘယ်လောက်ထိ အရေးပါသလဲဆိုလည်း ရှင်းပြပေးစေချင်ပါတယ်။
KNU- အရေးပါတယ်ဆိုတဲ့ကိစ္စဟာ ကရင်တမျိုးသားလုံးရဲ့အနေအထားလေ။အရင်ခေတ်ကဆိုလို့ရှိရင် ကျနော်တို့ကရင်တွေက ကိုလိုနီခေတ်ကတော့ ပညာရေးတွေ၊ အစိုးရအမှုထမ်းတွေမှာလည်း ကရင်တွေက များတယ်။ ပညာရေးပိုင်းမှာလည်း ကရင် တွေက တော်တော်လေး ပညာတတ်တွေက များတယ်။ ဒီအပေါ်မှာ ကျနော်တို့ KNU က အမျိုးသားတွေရဲ့ တောင့်တချက်ဖြစ် တဲ့ ကရင်ပြည်ရရှိရေးဆိုတဲ့ကိစ္စဟာ KNU ခေါင်းဆောင်တွေအပိုင်းလောက်ပဲ လုပ်တာမဟုတ်ပဲနဲ့ ကရင်တမျိုးသားလုံး ရဲ့လိုလားချက်ကိုပဲ KNU ကတောင်းဆိုတာဖြစ်တယ်။
တဆက်တည်းမှာပဲ ၁၉၄၈ခုနှစ်၊ ဇန်န၀ါရီလ ၄ရက်နေ့မှာ ဗမာပြည်က တရားဝင် လွတ်လပ်ရေးရရှိတဲ့နေ့ ဖြစ်တယ်။ အဲဒီနောက်ပိုင်းမှာ စောဘဦးကြီးက နိုင်ငံတော်အကြီးအကဲ ၀န်ကြီးချုပ်ဦးနုနဲ့ ကရင်ပြည်ရရှိရေးတွေ တောင်းဆိုကြတာ ဖြစ် တယ်။ တောင်းဆိုကျတော့ ဦးနုကလည်း ပြောတယ်။ “မင်းတို့ကရင်တွေဟာ လူကြီးပိုင်း ပညာတတ်ပိုင်းလောက်သာ ရချင်တာ ဖြစ်နိုင်တယ်။ တကယ့် ကရင်ဆင်းရဲသားလူထု၊ အခြေခံလူတန်းစားတွေ ကကော ရယူပါ့မလား။ မင်းတို့ရဲ့ ဆန္ဒသဘောထားကို ဖော်ပြစမ်းပါ”ပြောလိုက်တော့ KNU အနေနဲ့ ကရင်တွေ ရှိတဲ့နေရာမှာ တပြည်လုံး လှုံ့ဆော်ပြီးတော့မှ ကရင်ပြည်ရရှိရေး လို လားသလား၊ မလိုလားသလားလို့ ကြည့်လိုက်တော့ အားလုံးက လိုလားတယ်ဆိုတာကို ဖော်ပြလာတာကို တွေ့ရတယ်။ ဒါကြောင့် ၁၉၄၈ခုနှစ်၊ ဖေဖော်ဝါရီလ ၁၁ရက်နေ့မှာ ကရင်အမျိုးသားတွေက ကရင်ပြည်ရရှိရေးအတွက် ဆန္ဒပြခဲ့ကြတာ ဖြစ် တယ်။ ဆန္ဒပြတဲ့နေရာမှာ တောင်းဆိုချက်က ၄ချက်ပဲရှိတယ်။
၁။ ကရင်ပြည် ချက်ချင်းပေး
၂။ ကရင်တကျပ် ဗမာတကျပ် ချက်ချင်းပြ
၃။ လူမျိုးရေးအဓိကရုဏ်း အလိုမရှိ
၎။ ပြည်တွင်းစစ် အလိုမရှိ
ဒီအခြေခံ ၄ချက်နဲ့ ပိုစတာကို ကပ်ပြီး တောင်းဆိုခဲ့တာဖြစ်တယ်။
ဒီနေရာမှာ ကရင်ပြည် ချက်ချင်းပေးဆိုတာနဲ့ ကရင်တကျပ် ဗမာတကျပ် ချက်ချင်းပြဆိုတဲ့ အချက် ၂ချက်ဟာ ဗိုလ်ချုပ် အောင်ဆန်းက စောဘဦးကြီးကို ပြောခဲ့တဲ့ စကားဖြစ်တယ်။ “ခင်ဗျားတို့ ကရင်ပြည်ရပါစေ့မယ်။ ကရင်တကျပ် ဗမာတကျပ်ကို တော့ ရကို ရစေရမယ်” အဲလို ဗိုလ်ချုပ်အောင်ဆန်းက စောဘဦးကြီးကို ပြောခဲ့တာရှိတယ်။ ၁၉၄၈ခုနှစ်၊ ဖေဖော်ဝါရီလ ၁၁ရက်နေ့ ဆန္ဒပြတဲ့နေရာမှာ ဗိုလ်ချုပ်အောင်ဆန်းပြောတဲ့ စကားကို ပြန်တောင်းဆိုတာ ဖြစ်တယ်။ ကြွေးကြော်သံ ၄ချက်နဲ့ တောင်းဆိုလာတော့ ဆန္ဒပြတာကလည်း ကြွေးကြော်သံတွေအော်ပြီး ဘယ်သူ့ကိုမှ အနှောင့်အယှက် မလုပ်ခဲ့ဘူး။ ပိုစတာကြီး လေးချပ်ဟာ အမည်တွင်ရစ်ခဲ့တယ်။ ရန်ကုန်မြို့မှာရော တခြားနယ်တွေကရင်ရှိတဲ့ အရပ်တွေမှာပါ မစုံလင်တဲ့ စာရင်းအရ အဲဒီ ခေတ်က ကရင်လူဦးရေက မများသေးပေမယ့် ဆန္ဒပြတဲ့ ကရင်လူဦးရေက လေးသိန်းငါးသောင်းခြောက်ထောင်ကျော် ရှိတယ်။ ကရင်တွေက ကရင်ပြည် လိုချင်တယ်ဆိုတာ ဖဆပလ အစိုးရက သိသွားတယ်။
မြစ်ဝကျွန်းပေါ်မှာရှိတဲ့ ကရင်တွေက ကရင်စကား မတက်ကြတော့ ဗမာတွေ မြင်တာက ဗမာရွာတွေလို့ မြင်ကြတယ်။ ဖေဖော်ဝါရီလ ၁၁ရက်နေ့မှာကျတော့ အဲဒီရွာတွေကနေ ကရင်အလံတွေကို အိမ်တိုင်း ထောင်ကုန်ကြတယ်။ အရင်က ဗမာရွာ လို့ ထင်ထားတဲ့ရွာတွေက အကုန်လုံး ကရင်ရွာဖြစ်ကုန်တာ။ အဲလိုဖြစ်တော့ ဦးနုက လန့်သွားတယ်။ “ဟ ကရင်တွေက ကိုယ့် ကိုယ်ကို ကရင်မှန်းသာ သိလို့ရှိရင်တော့ ငါတို့ကောင်တွေ နားရွက်တောင် မကိုင်ရဲဘူး”လို့ ပြောခဲ့တဲ့ စကားရှိတယ်။ ကရင် တွေက အပေါ်ယံ ပညာတတ်အပိုင်း၊ အရာရှိအပိုင်းလောက်ကပဲ ကရင်ပြည်ရချင်တာ မဟုတ်ဘူးဆိုတာ ပေါ်လွင်သွားတယ်။ အဲတော့ စောဘဦးကြီးကို ဦးနုက ပြောတယ်။ မင်းတို့ကရင်တွေကလည်း ကရင်ပြည်ရချင်တယ်။ ငါတို့ဗမာတွေကလည်း မပေး နိုင်ဘူး။ ဒါကတော့ တယောက်နဲ့တယောက် သတ်ကြဖြတ်ကြတော့မှာပဲ။
စောဘဦးကြီးကလည်း ပြောပါတယ်။ လွှတ်တော်ထဲကနေ ကရင်ပြည်ရရှိရေး တောင်းဆိုသွားမှာပါ။ လွှတ်တော်ထဲက တောင်းဆိုမယ့်ဟာကို အခုဖြစ်ရှိနေတာက အမျိုးမျိုးဖြစ်နေတဲ့အပေါ်မှာ ကျနော်တို့လူတွေက ကျေးရွာတွေမှာ အင်အားပြကြ တာ ဖြစ်တယ်။ ခင်ဗျားတို့ ဗမာနိုင်ငံရေးကလည်း ကွဲကြပြဲကြတာ ရှိခဲ့တယ်။ ဒါကြောင့် ကရင်တွေကိုချည်းပဲ အပြစ်တင်လို့ မရ ဘူး။ ဗမာနိုင်ငံရေးရှုပ်ထွေးမှုအပေါ် တိုင်းရင်းသားလူမျိုးစုတွေရဲ့ နိုင်ငံရေးကလည်း ရှုပ်ထွေးတတ်တယ်။ ဒါကြောင့် ဒီကနေ့ကာ လဟာ ဒါကို သင်ခန်းစာယူရမယ်။ သင်ခန်းစာယူပြီးမှ ကျနော်ရှင်းပြတာဆိုရင် ပထမက KNU ဘယ်လိုပေါ်ပေါက်လာသလဲ။ ဘာတွေလှုပ်ရှားသလဲဆိုတော့ နိုင်ငံရေးလှုပ်ရှားမှုကြီး ပေါ်ပေါက်ခဲ့လို့လဲ ၁၉၄၈ခုနှစ်၊ ဖေဖော်ဝါရီလ ၁၁ရက်နေ့မှာ ကရင်တမျိုး သားလုံးရဲ့တိတ်ဆိတ်စွာ ဆန္ဒပြမှုကြီး ပေါ်ပေါက်ခဲ့တယ်။ ဒီကနေ့တိုင် ထင်ရှားတဲ့ ခေတ်မီသေးတဲ့ ပိုစတာကြီး ၄ချက်ကို ယနေ့ တိုင် ဆက်လက်ကိုင်စွဲလာတာဖြစ်တယ်။ ငြိမ်းချမ်းရေးကို လိုလားတာဖြစ်လို့ စစ်မှန်တဲ့ငြိမ်းချမ်းရေးရရှိဖို့ KNU ကလည်း ဒီက နေ့ ဆက်လက်ပြီးမှ နိုင်ငံရေးလုပ်ငန်းကို ရှေ့ဆက် ဆောင်ရွက်နေတာ ဖြစ်တယ်။

ကေအိုင်စီ – ဒါဆိုရင် ဒီဖေဖော်ဝါရီလ ၁၁ရက်နေ့က ကြွေးကြော်သံ ၄ချက်စတင်တဲ့နေ့လို့ ပြောလို့ရမလား။ ဘယ်နေရာတွေမှာ ထုတ်ဖော်ကြတာလဲ။
KNU- ဒီနေ့မှာ တရားဝင်ထုတ်ဖော်တာလို့ ပြောလို့ရတာပေါ့။ ကြွေးကြော်သံ ၄ရပ်က နဂိုကတည်းက ကရင်တွေရဲ့နှလုံးသားထဲမှာ ရှိပြီးသားပဲ။ ဒါပေမယ့် ကရင်တွေရဲ့ အတွင်းသဘောကို ထုတ်ဖော်တာ အဲဒီနေ့ပဲ။ ထုတ်ဖော်ကြတာကတော့ ရန်ကုန်၊ အင်းစိန်၊ ပုသိမ်၊ မြောင်းမြ၊ ဘိုကလေး၊ သာယာဝတီ၊ ညောင်လေးပင်၊ တောင်ငူတို့ပါတယ်။ ကယားလို့ခေါ်တဲ့ ကရင်နီနယ်ထဲမှာ လွိုင် ကော်တို့ မော်ချီးနဲ့ သျှမ်းပြည်နယ် တောင်ကြီးမှာ တောင်းဆိုကြတာ ရှိတယ်။ နောက်ပြီး ဖားအံ၊ သထုံ၊ ကြာအင်းဆိပ်ကြီး စတဲ့ ကရင်ရှိတဲ့အရပ်တွေ တောက်လျှောက် ဆန္ဒဖော်ထုတ်ခဲ့တယ်။

ကေအိုင်စီ – ကရင့်သမိုင်းကြောင်းဖြစ်စေ၊ KNU ဖြစ်ပေါ်လာပုံတွေနဲ့ ပတ်သက်ပြီးဖြစ်စေ မသိသေးတဲ့လူငယ်တွေကော၊ သိချင် တဲ့ လူငယ်တွေအတွက်ပါ ဘယ်လိုအကြံပြုချင်ပါလဲ။
KNU- နောက်ပေါက်ကရင်လူငယ်တွေမှာ စာဖတ်ချင်တဲ့ အတွေးအခေါ်က တော်တော်နည်းတယ်။ အဲလိုနည်းတော့ ဒီကိစ္စနဲ့ပတ် သက်ပြီး သင်တန်းတွေပေး လုပ်ဆောင်တယ်။ တစုံတရာ အတိုင်းအတာတော့ အောင်မြင်မှုရတယ်။ ငြိမ်းချမ်းရေး လုပ်ဆောင် တဲ့အခါကျတော့ နယ်ပယ် ကျယ်ကျယ်ပြန့်ပြန့် သွားရောက်နိုင်ပြီး ပိုပြီး ပြောပြလို့ရတယ်။ စာပေအနေနဲ့ကလည်း ထုတ်ထားတာ တွေ ရှိတယ်။ လူငယ်တွေဟာ ဒီကနေ့ အမျိုးသား ကြားမှာ တက်တက်ကြွကြွဆောင်ရွက်ဖို့ စာပေတွေ လေ့လာဖို့က အရေးကြီး တယ်။

ကေအိုင်စီ – နောက် KNU ဟာ စတင်ဖွဲ့စည်းကတည်းကနေ အခက်အခဲအမျိုးမျိုးကြားက ရပ်တည်ခဲ့ရပေမယ့် အခုချိန်ထိတိုင် အောင် ဆက်လက်ရှင်သန်နိုင်ခဲ့တဲ့အပေါ် ဘာကြောင့်လို့ ပြောချင်ပါသလဲ။ တဖက်မှာလည်း အစိုးရနဲ့ ဆွေးနွေးနေတယ်ဆို တော့ ဒီအပေါ်မှာကော ဘာပြောချင်လဲ။
KNU ဒီကနေ့အထိ ရှင်သန်နေရတဲ့ အကြောင်းရင်းကတော့ လူထုတွေ KNU ကိုထောက်ခံနေလို့ပဲ။ ကျနော်တို့က စောဘဦး ကြီး ချထားတာ ဥပဒေဘောင်အတွင်းကနေ ကရင်အမျိုးသားအခွင့်အရေးကို တောင်းဆိုလာခဲ့တာ။ KNU က စတင်ဖွဲ့စည်းတာနဲ့ တော်လှန်ရေးကို လုပ်လာတာမဟုတ်ဘူး။ အရပ်သားစကားနဲ့ပြောရင် သူပုန်ထလာတာ မဟုတ်ဘူး။ အဲတော့ ဖဆပလအစိုးရရဲ့ အဖက်ဖက်ကနေ အကြပ်ကိုင်မှုအပေါ်မှာ ကျနော်တို့က လက်နက်ကိုင်တော်လှန်ရေး ပေါ်ပေါက်ခဲ့ရတာ။
အဲတော့ ကျနော်တို့ကို လက်ရှိအစိုးရက ဒီငြိမ်းချမ်းရေးကမ်းလှမ်းလာတဲ့အပေါ် ကျနော်တို့ကလည်း အားတက်သရော ရှိတာပေါ့နော်။ သွေးထွက်သံယိုမှုနဲ့ လူထုတွေ ဒုက္ခရောက်၊ တကယ့်ပညာတတ် ကရင်လူငယ်တွေ ကျရှုံးရတဲ့ကိစ္စတွေ မဖြစ် တော့ပဲနဲ့ နိုင်ငံရေးနည်းအရ ကရင်အမျိုးသားအခွင့်အရေးကို တောင်းဆိုသွားဖို့ ဆိုတာက ကျနော်တို့ ပိုပြီးတော့ စိတ်အားထက် သန်တယ်။ ဒီကိစ္စက သမ္မတဦးသိန်းစိန် အစိုးရနဲ့ ကျနော်တို့ဆွေးနွေးထားတဲ့ အပစ်အခတ်ရပ်စဲရေးကိုပဲ ပြီးပြတ်အောင် လုပ် မယ်။ ရှေ့ဆက်ပြီးမှလည်း အမျိုးသားအခွင့်အရေးအတွက် လေ့လာမှုတွေ လုပ်မယ်။ ဘ၀တူလူမျိုးတွေနဲ့ ဒီမိုကရေစီ လိုလားတဲ့ အဖွဲ့ ပူးပေါင်းပြီး အခွင့်အရေးရရှိအောင် ဆက်လက်ဆောင်ရွက်သွားမှာ ဖြစ်ပါတယ်။

ကေအိုင်စီ – အဖူးအနေနဲ့ နောက်ထပ် ဘာများဖြည့်စွက်ပြီး ပြောကြားချင်ပါသလဲ။
KNU- တော်လှန်ရေးဆိုတာ ပန်းခင်းလမ်းမှ မဟုတ်ပဲ။ ဧည့်သည်ကို ထမင်းစားဖိတ်ကျွေးတဲ့ အလှူပွဲလိုမျိုးမှ မဟုတ်ပဲ။ ကြမ်းတမ်း တယ်၊ ပင်ပန်းတယ်။ ငတ်တယ်၊ ပြတ်တယ်၊ သေတယ်။ သေသွားတာမှ အေးသေးတယ်။ ဒဏ်ရာရတာ၊ ခြေပြတ်လက်ပြတ်နဲ့ နေနေရတဲ့ ဘ၀တွေက သိလာတဲ့အခါကျတော့ တချို့တွေက ဒုက္ခဒဏ်တွေကို မခံနိုင်ကြတဲ့အခါကြတော့ တဖြည်းဖြည်း ထွက် သွားကြတယ်။ နောက်ဆုံးတော့ KNU မှာ တကယ့် မျိုးချစ် စိတ်ဓါတ်နဲ့ နိုင်ငံရေး ဦးတည်ချက်ခိုင်မာတဲ့ ပုဂ္ဂိုလ်တွေပဲ ကျန်နေခဲ့ တော့တယ်။
ဒီခေတ်ကလည်း မီဒီယာ၊ အင်တာနက်၊ အီးမေးလ်ခေတ်ဆိုတော့ အင်မတန် ပျံ့နှံ့နေတဲ့အချိန်ဆိုတော့ KNU ကို ပုတ် ခတ်ကြတာမျိုးရှိတယ်။ KNU အတွင်းက လူတချို့ကိုလည်း ပုတ်ခတ်ကြတာရှိတယ်။ ဒီပုတ်ခတ်တာကိုလည်း ကျနော်တို့ ခံနိုင် တယ်။ ကျနော်တို့ရဲ့ ကိုယ်စွမ်း၊ ဉာဏ်စွမ်းရှိသမျှ ဆက်လက် ဆောင်ရွက်သွားဖို့ပဲ လိုတယ်လို့ ချုပ်ပြီး ပြောချင်ပါတယ်။

ခွဲထွက်အဖွဲ့များနှင့် နားလည်မှု ရရေး ကော်မတီတရပ် ဖွဲ့စည်းသွားရန် KNU ချမှတ်

ဖေဖော်ဝါရီလ ၂၈ရက်၊ ၂၀၁၃ခုနှစ်။ စဖန်းရှောင်း (ကေအိုင်စီ)

ခွဲထွက်သွားသည့် ကရင်လက်နက်ကိုင်အဖွဲ့ အစည်းများနှင့် နားလည်မှုရယူသွားရန် လုပ်ငန်းကော်မတီတရပ် ဖွဲ့စည်းသွားမည် ဟု ဖားအံခရိုင်၊ လေးဝါးနေရာ၌ ဖေဖော်ဝါရီလ ၁၈ရက်နေ့မှ ၂၆ရက်နေ့အထိ ကျင်းပသည့် ဗဟိုအမြဲတမ်းကော်မတီ အစည်းအ ဝေးတွင် ကရင်အမျိုးသားအစည်းအရုံး-KNU က ချမှတ်ခဲ့သည်။
KNU ၏ ၁၅ ကြိမ်မြောက်ညီလာခံအပြီး ပြုလုပ်သော ၎င်းပထမအကြိမ် ဗဟိုအမြဲတမ်း ကော်မတီအစည်းအဝေး၌ ရှေ့ဆက်လုပ် ဆောင်မည့် လုပ်ငန်းစဉ်များထဲတွင် ကရင်တမျိုးသားလုံးစည်းလုံးညီညွတ်မှု ပိုမိုခိုင်မာစေရေးအတွက် ရည်ရွယ်၍ ထိုသို့ ကော်မ တီတရပ် ဖွဲ့သွားရန် ချမှတ်ခဲ့ခြင်းဖြစ်သည်ဟု KNU တွဲဖက်အတွင်းရေးမှူး(၂) ပဒိုမန်းမန်းက ကေအိုင်စီသို့ ပြောသည်။
“ပထမအချက်ကတော့ ခွဲထွက်သွားတဲ့ ကရင်တိုင်းရင်းသားလက်နက်ကိုင်တွေနဲ့  နားလည်မှုရယူနိုင်ဖို့ လုပ်ငန်းကော်မတီဖွဲ့ဖို့ ရှိ တယ်။ ဘယ်တော့ဖွဲ့မလဲဆိုတော့ ပြောဖို့ စောသေးတာပေါ့နော်။ နောက်တခုက ပြည်တွင်း၊ ပြည်ပမှာ ပြန့်ကျဲနေထိုင်တဲ့ ကရင် လူမျိုးတွေကို စည်းလုံးညီညွတ်မှုပိုမိုခိုင်မာအောင် လုပ်ဆောင်သွားဖို့ ရှိတယ်”ဟု ပြောဆိုသည်။
ထို့အပြင် မြန်မာပြည်တွင်းရှိ နိုင်ငံရေးပါတီများ၊ ကရင်လူမှုအဖွဲ့အစည်းများနှင့် ကရင်မိဘပြည်သူများကို တွေ့ဆုံပြီး အကြံဉာဏ် များ ရယူကာ ပူးပေါင်းပါဝင်နိုင်ဖို့အတွက် လုပ်ငန်းစဉ်တွေကိုလည်း ယင်းအစည်းအဝေးတွင် ချမှတ်နိုင်ခဲ့သည်ဟု ထပ်မံ ပြော ကြားသည်။
KNU ၏ ပုံမှန်ှဗဟိုကော်မတီအစည်းအဝေးကို ဗဟိုကော်မတီဝင် ၄၅ဦး တက်ရောက်ဆွေးနွေးခဲ့ကြပြီး အစည်းအဝေးအပြီး အချက် ၅ချက်ပါသော ကြေညာချက်တစ်စောင်ကိုလည်း ထုတ်ပြန်ခဲ့ရာ KNU ၏ လုပ်ငန်းဌာန ၁၄ခုအနက် ဌာနအသီးသီးရှိ မူဝါဒ၊ လုပ်ငန်းစဉ်များနှင့် တာဝန်လွှဲပြောင်း ခန့်အပ်မှုများကို ပြန်လည် အတည်ပြုခြင်းများ လုပ်ဆောင်နိုင်ခဲ့သည်ဟု ပါရှိသည်။
ဆက်လက်၍ ကရင်အမျိုးသားအတွင်း စည်းလုံးညီညွှတ်မှု ပိုမိုခိုင်မာရေး လုပ်ငန်းများ၊ ခိုင်မာသောအပစ်အခတ်ရပ်စဲရေးနှင့် စစ်မှန်သော ငြိမ်းချမ်းရေးလုပ်ငန်းများအပြင် စစ်မှန်သော ငြိမ်းချမ်းရေး တည်ဆောက်နိုင်ရေးအတွက် အစိုးရနှင့်အတူ နိုင်ငံရေး အဆင့် တွေ့ဆုံမှုလုပ်ငန်းစဉ်များတွင် တိုင်းရင်းသားလူမျိုးများ စုဖွဲ့မှုဖြင့် အတူတကွ ကြိုးပမ်းသွားမည်ဖြစ်ကြောင်းလည်း ကြေ ညာချက်တွင် ဖော်ပြထားသည်။
လတ်တလောတွင် အစိုးရနှင့် KNU တရားဝင် ထပ်မံ တွေ့ဆုံသွားရန် ရှိသော်လည်း ရက်အတိအကျသတ်မှတ်ခြင်း မရှိသေး ကြောင်းနှင့် ယုံကြည်မှု ခိုင်ခိုင်မာမာ တည်ဆောက်နိုင်ရန် အလွတ်သဘောမျိုးအကြိမ်ကြိမ် တွေ့ဆုံပြီးမှသာ ဆက်လက် အကောင်အထည်ဖော် လုပ်ဆောင်သွားမည်ဖြစ်ကြောင်းလည်း ပဒိုမန်းမန်းက ပြောသည်။
KNU သည် ၂၀၁၂ခုနှစ်၊ နိုဝင်ဘာလ ၂၆မှ ဒီဇင်ဘာလ ၂၆ရက်နေ့အထိ ပြုလုပ်ကျင်းပသည့် (၁၅)ကြိမ်မြောက် ညီလာခံပြီး နောက် ပထမအကြိမ် ဗဟိုအမြဲတမ်းကော်မတီ အစည်းအဝေးကို ယခု ကျင်းပခဲ့ခြင်း ဖြစ်သည်။

အစိုးရ ငြိမ်းချမ်းရေးအဖွဲ့ ခေါင်းဆောင် ဦးအောင်မင်း ဒီကေဘီအေ နဲ့ ပထမဆုံးတွေ့ဆုံ

2013-01-22

ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုဥက္ကဌ ပြည်ထောင်စုဝန်ကြီး ဦးအောင်မင်း ဦးဆောင်တဲ့အဖွဲ့ဟာ တိုးတက်သော ကရင်ဗုဒ္ဓဘာသာတပ်မတော် (DKBA) အဖွဲ့က ခေါင်းဆောင်တွေ ဒီကနေ့ မနက်ပိုင်းက ကရင်ပြည်နယ် မြဝတီမြို့မှာ ဆွေးနွေးခဲ့ကြပါတယ်။

DKBA နဲ့ ငြိမ်းချမ်းရေးလုပ်ငန်းစဉ်တွေမှာ အရင်က ဝန်ကြီးဦးအောင်သောင်းတို့အဖွဲ့က တာဝန်ယူ စကားပြောခဲ့တာဖြစ်ပြီး ဝန်ကြီးဦးအောင်မင်းနဲ့ တွေ့ဆုံဆွေးနွေးတာဟာ ဒီတစ်ကြိမ်ဟာ ပထမဆုံး အကြိမ်ဖြစ်ပါတယ်။

ဒီကနေ့ မြဝတီမြို့ ဆွေးနွေးပွဲဟာ အစိုးရနဲ့  ဒီကေဘီအေ၊ နယ်ခြားစောင့်တပ် BGF စတဲ့အဖွဲ့တွေနဲ့ ယုံကြည်မှုတည်ဆောက်တဲ့ တွေ့ဆုံဆွေးနွေမှု ဖြစ်တယ်လို့ ဝန်ကြီး ဦးအောင်မင်းက အာအက်ဖ်အေကို ပြောပါတယ်။
အဲဒီ နှစ်ဖက် ဆွေးနွေးပွဲမှာ ဒီကေဘီအေ ခေါင်းဆောင်တွေဖက်က ကချင်ပြည်နယ်က စစ်ပွဲကိစ္စ မေးမြန်းခဲ့ပါတယ်။

KIO က တဖွဲ့ချင်း အနေနဲ့ မဆွေးနွေးလိုပဲ တိုင်းရင်းသား ၁၁ ဖွဲ့နဲ့ဖွဲ့ထားတဲ့ UNFC ညီညွတ်သော တိုင်းရင်းသား ဖက်ဒရယ်ကောင်စီနဲ့ ဆွေးနွေးမယ်လို့ အကြောင်းပြန်ထားပါတယ်။
အဲဒီလို KIO က ပြောဆိုချက်အတိုင်း ဖြစ်သင့်တယ်လို့ DKBA ခေါင်းဆောင်တွေက ပြောရာမှာ ဝန်ကြီးဦးအောင်မင်းတို့ဖက်က အကြံပေးတာဝမ်းသာကြောင်းနဲ့ ဆုံးဖြတ်ချက် မချရသေးကြောင်း ပြောတယ်လို့ သိရပါတယ်။

ဒီကနေ့ မြဝတီမြို့က အစိုးရနဲ့ DKBA တွေ့ဆုံဆွေးနွေးပွဲမှာ အစိုးရတပ်၊  DKBA တပ်နဲ့ BGF တပ်ဖွဲ့ဝင်တွေ စုစုပေါင်း ၂၀၀ လောက်က လက်နက်အင်အား အပြည့်အစုံနဲ့ လုံခြုံရေး တင်းတင်းကြပ်ကြပ် ချထားခဲ့ပါတယ်။

သိမ်းထားသည့် BGF လက်နက်များပြန် လည်ပေးအပ်ရန် DKBA နှင့် အစိုးရ တွေ့ဆုံဆွေးနွေး

ဇန်န၀ါရီလ ၂၂ရက်၊ ၂၀၁၃ခုနှစ်။ နန်းသူးလေ (ကေအိုင်စီ)

ကရင်ပြည်နယ် လှိုင်ဘွဲ့မြို့နယ်၊ မြိုင်ကြီးငူအထူးဒေသ တလျှောက် လှုပ်ရှားနေသည့် ဒီမိုကရေစီကရင် အကျိုးပြု တပ်မတော်-DKBA တပ်ဖွဲ့ဝင်များမှ ယခုလ ၅ရက်နေ့တွင် သိမ်းဆည်းထားသည့် နယ်ခြားစောင့်တပ်ဖွဲ့-BGF ၏ လက်နက် ၄၀ ကျော်ကို ပြန်လည်ပေးအပ် ရန် မြန်မာ အစိုးရနှင့် DKBA တို့ ယနေ့ တွေ့ဆုံဆွေးနွေးခဲ့ကြသည်။


ပြည်ထောင်စု ငြိမ်းချမ်းရေးဖော်ဆောင်ရေးကော်မတီ ဒုဥက္ကဋ္ဌ သမ္မတရုံးဝန်ကြီး ဦးအောင်မင်း၊ ပြည်သူ့စစ်နှင့် နယ်ခြားစောင့်တပ်ညွှန်ကြားရေးမှူးချုပ် ဗိုလ်ချုပ်မောင်မောင်အုန်း စသည့် အဖွဲ့ဝင် ၉ဦးနှင့် DKBA ဘက်မှ ဗိုလ်ချုပ်ကြီး စောလားပွယ် ဦးဆောင်သည့် အဖွဲ့ဝင် ၈ဦးတို့သည် မနက် ၁၂နာရီခန့်မှ ညနေ ၃နာရီကျော်အထိ မြ၀တီမြို့ အစိုးရရှေ့တန်းရုံးတွင် တွေ့ဆုံခဲ့ကြခြင်းဖြစ်သည်။
DKBA ပြောရေးဆိုခွင့်ဖြစ်သူ ဗိုလ်မှူးစောဆန်းအောင်က “ယနေ့တွေ့ဆုံပွဲမှာ DKBA တပ်ဖွဲ့ဝင်များ သိမ်းဆည်း ထားသည့် လက်နက်များကို ပြန်လည်ပေးအပ်ရန်တို့ကိုသာ အဓိကဆွေးနွေးခဲ့တယ်။ နောက် မြိုင်ကြီးငူဒေသ တ၀ိုက် မှာ DKBA တပ်ဖွဲ့ဝင်တွေအတွက် သွားရေးလာရေးခက်ခဲ၊ နယ်ခြားစောင့်တပ်များနဲ့ ဖြစ်တဲ့ ပဋိပက္ခတွေ ဆွေးနွေးဖြစ်ပါတယ်”ဟု ကေအိုင်စီသို့ ပြောသည်။
လက်နက်ပြန်လည် ပေးအပ်ရန်ကိစ္စနှင့်ပတ်သက်၍ DKBA ဘက်မှ BGF တပ်ဖွဲ့ဝင်များထံသို့ လက်နက် တချို့ ပြန်လည်ပေးအပ်ပြီး ဖြစ်ကြောင်းနှင့် ကျန်နေသေးသည့် လက်နက်များကိုလည်း ပြန်လည်ပေးအပ်ရန် ပြင်ဆင် နေကြောင်း ဗိုလ်မှူးစောဆန်းအောင်က ဆက်ပြောသည်။

ဆက်လက်၍ ဦးအောင်မင်းကလည်း “ကျနော်တို့တွေ တွေ့ကြတာ တပ်နေရာချထားရေး ကိစ္စရပ်တွေ၊ ဆက်ဆံ ရေးရုံးဖွင့်မယ့် ကိစ္စရပ်တွေ၊ နောက် သူတို့(ဒီကေဘီအေ)ရဲ့ စားရေးသောက်ရေးကိစ္စရပ်တွေ ဒါမျိုးတွေ ဆေးနွေးကြပါတယ်”ဟု ပြောသည်။
ဆက်ဆံရေးကို ကြာအင်းဆိပ်ကြီး၊ ဘုရားသုံးဆူ၊ ကျိုက်ဒုံနှင့် မြိုင်ကြီးငူ စသည့်နေရာ ၄ခုတွင် ထပ်မံဖွင့်လှစ်ရန် ရှိသည်ဟု ဒီကေဘီအေဘက်က ပြောသည်။ သို့သော် ဖွင့်လှစ်မည့်အချိန်နှင့်ပတ်သက်၍ ရက်အတိအကျ သတ်မှတ်ထားခြင်း မရှိသေးကြောင်း သိရသည်။
ထို့အပြင် ယနေ့တွေ့ဆုံမှုတွင် နိုင်ငံရေး၊ စစ်ရေးအရ တွေ့ဆုံဆွေးနွေးမှုမျိုးမဟုတ်ပဲ DKBA နှင့် နယ်ခြားစောင့် တပ်အကြား ဖြစ်ပွားခဲ့သည့် လက်နက်နှင့် တိုက်ပွဲပဋိပက္ခများ ထပ်မံမဖြစ်ပေါ်အောင်သာ ကတိက၀တ်ပေး သည့် ဆွေးနွေးမှုမျိုးသာ ဖြစ်ကြောင်း ဗိုလ်မှူး စောဆန်းအောင်က ပြောသည်။
တချိန်တည်းမှာပင် ကရင်လက်နက်ကိုင်အဖွဲ့အစည်းများနှင့် ငြိမ်းချမ်းရေးဆွေးနွေးနေချိန်တွင် ကချင်လက်နက် ကိုင်အဖွဲ့အများကို အစိုးရမှ ထိုးစစ်ဆင်တိုက်ပွဲဆင်နေမှုသည် ငြိမ်းချမ်းရေးအတွက် ယုံကြည်မှုတည်ဆောက်ရန် အဟန့်အတားဖြစ်ကြောင်းလည်း DKBA ဘက်မှ တင်ပြခဲ့သည်ကို ၀န်ကြီးဦးအောင်က လာမည့် သုံးလေးရက် တွင် ကချင်ဒေသစစ်ပွဲကိစ္စ အဆင်ပြေသွားမည်ဟု ပြောသွားခဲ့ကြောင်း ဗိုလ်မှူး စောဆန်းအောင်က ဆိုသည်။

အစိုးရဘက်က တိုင်းရင်းသားလက်နက်ကိုင်တပ်ဖွဲ့များဖြင့် ဖွဲ့စည်းထားသည် ညီညွှတ်သောတိုင်းရင်းသားလူမျိုး များ ဖက်ဒရယ်ကောင်စီ-UNFC နှင့်သာ နိုင်ငံရေးအရ တွေ့ဆုံဆွေးနွေးမှုများပြုလုပ်မှသာလျှင် DKBA အနေဖြင့် ငြိမ်းချမ်းရေးဆွေးနွေးမှုတွင် ပါဝင်သွားမည်ဖြစ်ကြောင်းလည်း DKBA ဘက်က ပြောသည်။
DKBA သည် ၁၉၉၄ ခုနှစ်တွင် ကရင်အမျိုးသားအစည်းအရုံး-KNU ခွဲထွက်ကာ မြန်မာစစ်အစိုးရနဲ့ ပြန်ပေါင်းပြီး နောက် ၂၀၁၀ ခုနှစ်၌ မြန်မာအစိုးရ၏ နယ်ခြားစောင့်အသွင်ကူးပြောင်းရေးကို DKBA အဖွဲ့ထဲမှ လက်မခံသည့် ဗိုလ်ချုပ်ကြီး စောလားပွယ်ဦးဆောင်သည့် အဖွဲ့က အသစ်တက်လာသည့် မြန်မာအစိုးရစစ်တပ်နှင့် တိုက်ပွဲ များပြန်လည် ဖြစ်ပွားခဲ့သည်။

တဖန် DKBA သည် ၂၀၁၁ခုနှစ်၊ နိုဝင်ဘာလဆန်းပိုင်းတွင် မြန်မာအစိုးရနှင့် ကရင်ပြည်နယ်၊ ဖားအံမြို့တွင် တွေ့ဆုံဆွေးနွေးရေးပြုလုပ်ကာ အပစ်အခတ်ရပ်စဲရေး သဘောတူညီမှု ထပ်မံရရှိခဲ့သလို ၎င်းနောက်ပိုင်း တိုး တက်သောဗုဒ္ဓဘာသာ ကရင်အမျိုးသားတပ်မတော်-DKBA မှ ဒီမိုကရေစီကရင်အကျိုးပြုတပ်မတော်-DKBA အဖြစ် ယနေ့အထိ ရပ်တည်ခဲ့သည်။

နေပြည်တော်က ကရင်နှစ်သစ်ကူးကို လွှတ်တော်ဥက္ကဌတွေနဲ့ ဒေါ်အောင်ဆန်း စုကြည် တက်ရောက်

2013-01-13

နှစ်သစ်ကူးမှာ ပြည်ထောင်စုကြီး အတွက် ပိုမိုကောင်းမွန်တဲ့ မျှော်လင့် ချက်တွေထားပြီး ညီညွတ်အောင် လုပ်ကြဖို့ ဇန်န၀ါရီလ ၁၂ ရက် မနေ့ညပိုင်းက နေပြည်တော် စည်ပင် ဧည့်ရ်ိပ်သာ မှာကျင်းပတဲ့ (၇၅)ကြိမ်မြောက် ကရင် နှစ်သစ်ကူးနေ့ အခမ်းအနားမှာ ပြည်သူ့ လွှတ်တော် တရားဥပဒေ စိုးမိုးရေးနဲ့ တည်ငြိမ် အေးချမ်းရေးကော်မတီ ဥက္ကဌ ဒေါ်အောင်ဆန်းစုကြည်က ပြောကြားခဲ့ပါတယ်။

Photo: RFA/Win Naung Toe

နေပြည်တော် စည်ပင်ဧည့်ရ်ိပ်သာမှာကျင်းပတဲ့ ၇၅ကြိမ်မြောက် ကရင်နှစ်သစ်ကူးနေ့ အခမ်းအနားမှာ ပြည်ထောင်စုလွှတ်တော် နာယက ဦးခင်အောင်မြင့်၊ ပြည်သူ့လွှတ်တော် ဥက္ကဌ သူရဦးရွှေမန်းနဲ့ တရားဥပဒေစိုးမိုးရေးနဲ့ တည်ငြိမ်အေးချမ်းရေးကော်မတီ ဥက္ကဌ ဒေါ်အောင်ဆန်းစုကြည်တို့ကို တွေ့ရစဉ်

အဲဒီပွဲမှာ ပြည်သူ့လွှတ်တော် ဥက္ကဌ သူရဦးရွှေမန်း ကလည်း မြန်မာနိုင်ငံမှာ တိုင်းရင်းသားအချင်းချင်း အမျိုးသားပြန်လည်စည်းလုံးရေးကို အရှိန်မြှင့်ဆောင်ရွက်ဖို့ ဒီနှစ်သစ်ကူးနေ့ကနေ သက်သေပြလိုက်တာဖြစ်တယ်လို့ ပြောခဲ့ပါတယ်။
ပြည်ထောင်စုလွှတ်တော် နာယက ဦးခင်အောင်မြင့်ကလည်း နှစ်သစ်ကူးကာလမှာ နှစ်ဟောင်းက ကောင်းမွန်မှုတွေကို ဆက်လက်သယ်ပိုးသွားဖို့လိုအပ်သလို မကောင်းတာတွေထဲကလည်း အမှားသင်ခန်းစာတွေရယူဖို့ လိုအပ်တယ်လို့ ပြောကြားသွားခဲ့ပါတယ်။
လွှတ်တော်ခေါင်းဆောင်တွေအပါအ၀င် လွှတ်တော်နှစ်ရပ်လုံးက တိုင်းရင်းသား လွှတ်တော်ကိုယ်စားတွေနဲ့ နိုင်ငံရေးပါတီစုံက လွှတ်တော်ကိုယ်စားလှယ်တွေ စုစုပေါင်း ၁၆၀လောက် တက်ရောက်ခဲ့ကြပါတယ်။

အမေရိကန် သံအမတ်ကြီး ဒဲရက်မစ်ချဲနှင့် KNU တွေ့ဆုံ

ဇန်နဝါရီလ ၁၄ရက်၊ ၂၀၁၃ခုနှစ်။ ဖိုးခွါးလေး (ကေအိုင်စီ)

ကရင်အမျိုးသားအစည်းအရုံး-KNU သည် မြန်မာနိုင်ငံလုံးဆိုင်ရာ အမေရိကန် သံအမတ်ကြီး ဒဲရက်မစ်ချဲလ် (Derek Mitchell) နှင့် ဇန်နဝါရီလ ၁၁ရက်က ကရင်ပြည်နယ်၊ ဘားအံမြို့တွင် ၂နာရီအချိန်ကြာ တွေ့ဆုံဆွေးနွေးခဲ့ကြသည်။


ဒဲရက်မစ်ချဲလ်အား တွေ့ဆုံဆွေးနွေးရာတွင် KNU ဘက်မှ ဥက္ကဌ ဗိုလ်ချုပ်ကြီး စောမူတူးစေးဖိုး၊ အထွေထွေအတွင်းရေးမှူးချုပ် ပဒိုစောကွယ်ထူးဝင်း၊ နိုင်ငံခြားရေးဌာနတာဝန်ခံ ပဒိုစောအောင်ဝင်းရွှေ၊ ကာကွယ်ရေးဌာနတာဝန်ခံ ပဒိုစောရောဂျာခင်နှင့် ပဒို စောလှထွန်းတို့ ပါဝင်သည်။
တွေ့ဆုံခဲ့ရာတွင် ဒဲရက်မစ်ချဲက မြန်မာပြည်၏ နိုင်ငံရေး အခြေအနေများ၊ မြန်မာအစိုးရနှင့် တိုင်းရင်းသားလက်နက်ကိုင်အဖွဲ့များ အကြား လုပ်ဆောင်နေသည့် အပစ်ခတ်ရပ်စဲရေး အခြေအနေများနှင့် တိုင်းရင်းသားလူမျိုးပေါင်းစုံမှ အမြင်သဘောထားများကို ရရှိရန် လေ့လာရေးအနေဖြင့်သာ တွေ့ဆုံခဲ့ကြသည်ဟု KNU အထွေထွေ အတွင်းရေးမှူးချုပ် ပဒိုစောကွယ်ထူးဝင်းက ကေအိုင်စီ သို့ ပြောသည်။
“သူနဲ့ ကျနော်တို့ တွေ့ဆုံတာက မြန်မာပြည်ကို လာနေတယ်ဆိုတော့ မြန်မာပြည်ရဲ့အခြေအနေကို လေ့လာတဲ့သဘောပါပဲ။ သူ က အထူးပြောချင်တာကတော့ နောက်ထပ်ရှေ့ဆက်ပြီး ငြိမ်းချမ်းရေးကို လုပ်ဆောင်တဲ့နေရာမှာ အကုန်လုံး ပါဝင်စေချင်တဲ့ သဘောထားရှိတယ်။ နောက်ပြီးတော့ တိုင်းရင်းသားအားလုံးရဲ့ အမြင်သဘောထားတွေ လိုက်စုဆောင်းတဲ့သဘောပဲဖြစ်တယ်” ဟု ပဒိုစောကွယ်ထူးဝင်းက ဆက်ပြောသည်။
ဆက်လက်၍ KNU နှင့် မြန်မာအစိုးရတို့အကြား အပစ်ခတ်ရပ်စဲရေးယူပြီးနောက်ပိုင်း အခြေအနေ မည်မျှတိုးတက်မှုကြောင်း ပြန် လည်သုံးသပ်ခြင်း၊ ကချင်နယ်မြေအတွင်း ဖြစ်ပွားနေသည့် တိုက်ပွဲများအခြေအနေ သုံးသပ်ခြင်းနှင့် လက်ရှိလုပ်ဆောင်နေသည့် ငြိမ်းချမ်းရေးလုပ်ငန်းစဉ်များ ထိခိုက်နိုင်သည့် အခြေအနေမျိုးများကို အပြန်အလှန် ဆွေးနွေးခဲ့ကြသည်ဟု ပဒိုစောကွယ်ထူးဝင်း က ထပ်မံ ပြောဆိုသည်။

မြန်မာအစိုးရနှင့် ငြိမ်းချမ်းရေးတည်ဆောက်ရာတွင် KNU အနေဖြင့် မှုလချမှတ်ထားသည့်အတိုင်း စစ်မှန်သည့် အပစ်အခတ် ရပ်စဲရေးကို ဦးစွာရယူပြီးနောက် နိုင်ငံရေးတွေ့ဆုံဆွေးနွေးရေးသို့ ဆက်လက် အကောင်အထည် ဖော်ဆောင်သွားမည်ဟုလည်း KNU ဘက်မှ ဒဲရစ်မဲချဲလ်ကို ပြောသွားခဲ့ကြောင်း သိရသည်။

ပဒိုစောကွယ်ထူးဝင်းက “ကျနော်တို့က ဘယ်လိုပဲဖြစ်ဖြစ် ကိုယ့်ရဲ့အဖွဲ့အစည်းက အစီအစဉ်အတိုင်းပဲ ဆက်သွားရမှာပေါ့။ နောက် ဒီလိုမျိုး ဆက်သွားမယ့်အချိန်မှာ ကချင်မှာ စစ်ပွဲတွေ ဆက်ဖြစ်နေတုန်းပဲဆိုတော့ KNU ကလည်း စိုးရိမ်တယ်။ ဘာဖြစ် လို့လည်းဆိုတော့ ငြိမ်းချမ်းရေးလုပ်ဆောင်တဲ့အပိုင်းမှာ ဆက်စပ်နေတော့ အစိုးရဘက်က ကချင်တိုက်ပွဲကို မရပ်ဘူးဆိုရင် ဝေဖန်မှုတွေ၊ အမြင်တွေ အမျိုးမျိုး ရရှိတာပေါ့”ဟု ပြောသည်။
ဒဲရက်မစ်ချဲသည် မကြာသေးမီက အသစ်တက်လာသည့် KNU ခေါင်းဆောင်သစ်များနှင့် ယခုလို တွေ့ဆုံခြင်းမှာ ပထမဆုံးအကြိမ် ဖြစ်သည်။

ငြိမ်းချမ်းရေး ကိစ္စ နောက်ကြောင်းပြန်မလှည့်ဟု KNU ပြော

The Irrawady

လက်ရှိအစိုးရနှင့် ဆွေးနွေးပြောဆိုနေသော ငြိမ်းချမ်းရေးကိစ္စရပ်များတွင် နောက်ကြောင်းပြန်လှည့်လိမ့်မည် မဟုတ်ကြောင်း ကရင်အမျိုးသားအစည်းအရုံး (KNU) က ပြောဆိုလိုက်သည်။

“ကျနော်တို့ ကရင်လက်နက်ကိုင် တော်လှန်ရေးက နှစ်ပေါင်း ၆၀ ကျော် ကြာခဲ့ပြီ။ ကျနော်တို့ ကရင်ပြည်သူတွေလည်း ထိခိုက်သေကြေတာတွေ များလွန်းနေပြီ။ ဒီလိုအဖြစ်မျိုး အနာဂတ်မှာ မဖြစ်စေချင်တော့တဲ့အတွက် ကျနော်တို့ကတော့ ငြိမ်းချမ်းရေးအတွက် လုပ်နေတာတွေကို နောက်ကြောင်းပြန် လှည့်မှာမဟုတ်ဘူး” ဟု ရန်ကုန်သို့ ရောက်နေသော KNU ဗဟို အလုပ်အမှုဆောင်အဖွဲ့ဝင် ပဒိုမန်းငြိမ်းမောင်က ပြောသည်။

KNU အထွေထွေ အတွင်းရေးမှူးချုပ် ပဒိုကွယ်ထူးဝင်းကလည်း လက်ရှိအခြေအနေတွင် ဆွေးနွေးလုပ်ဆောင်နေသည့် ငြိမ်းချမ်းရေး ဆွေးနွေးနေမှုများကို မပျက်ပြားစေလိုကြောင်း ပြောဆိုသည်။

“ကျနော်တို့ အနေနဲ့ကတော့ ဒီနေ့လုပ်နေတဲ့ ငြိမ်းချမ်းရေး လုပ်ငန်းတွေကို ဘယ်နည်းနဲ့မှ မပျက်ပြားစေချင်ဘူး။ ကျနော်တို့ ရွေးလိုက်တဲ့ ဒီလမ်းကို ကျေနပ်မှုရှိတယ်။ ဘာလို့လဲ ဆိုတော့ ကျနော်တို့ ပြည်သူတွေ နစ်နာလွန်းလှပါပြီ။ နာကျင်မှု အနည်းဆုံးနည်းနဲ့ ကိုယ့်ရည်မှန်းချက်ကို ဖြစ်မြောက်အောင်ပဲ ကြိုးစား လုပ်ချင်ပါတယ်” ဟု သူက ဆက်ပြောသည်။

ထို့အတူ တိုင်းရင်းသား အဖွဲ့များနှင့် ငြိမ်းချမ်းရေး ပြောဆိုရာတွင် တဦးနှင့်တဦး ယုံကြည်မှု တည်ဆောက်ရန်နှင့် တဘက်နှင့် တဘက် သံသယများရှိနေသည်ကို ပြေလျော့စေရန်လည်း အရေးကြီးကြောင်း ပဒိုမန်းငြိမ်းမောင်က ဆိုသည်။

“နှစ်ပေါင်း ၆၀ ကျော်တောင် ဖြစ်ခဲ့တဲ့ အဖွဲ့ ၂ ခုအနေနဲ့ သံသယတွေကတော့ ပျောက်ဦးမှာ မဟုတ်ဘူး။ ယုံကြည်မှုကလည်း အကန့်အသတ်နဲ့ပဲ ရှိနေအုံးမှာပဲ။ ဒါပေမယ့် ဒီလိုပဲ တဘက်နဲ့တဘက် ယုံကြည်မှုကို တည်ဆောက်သွားဖို့၊ သံသယတွေ ဖြေလျှော့သွားဖို့ ကျနော်တို့ဘက်ကတော့ ကြိုးစားပြီး လုပ်သွားမှာပါပဲ” ဟု သူက ပြောသည်။

ဗဟိုကော်မတီဝင် ပဒိုစောလှထွန်းကလည်း အကယ်၍ နှစ်ဘက်ယုံကြည်မှုကို မတည်ဆောက်နိုင်ဘဲ ငြိမ်းချမ်းရေးအတွက် လုပ်ဆောင်နေမှုများ ပျက်ပြားသွားမည် ဆိုပါက KNU အနေဖြင့် မူလလမ်းကြောင်းဖြစ်သည့် လက်နက်ကိုင် လမ်းစဉ်ကိုသာ ပြန်ရောက်သွားမည်ဖြစ်ကြောင်း ရှင်းပြသည်။
“ဒီလို အခြေအနေ ရောက်သွားခဲ့ရင် ကျနော်တို့ ပြည်သူတွေပဲ အထိနာမယ်။ ဒါကြောင့် ငြိမ်းချမ်းရေးအတွက် နောက်ပြန် မလှည့်တမ်း အဆုံးစွန်အထိ သွားမယ်လို့ ကျနော်တို့ ပြောတာဖြစ်တယ်” ဟု သူက ဆက်ပြောသည်။

စစ်အစိုးရကို တော်လှန်သော သက်တမ်းအရှည်ကြာဆုံး တိုင်းရင်းသား လက်နက်ကိုင်အဖွဲ့တခုဖြစ်သည့် KNU အနေဖြင့် နိုင်ငံရေးနည်းလမ်း တကျ ဖြေရှင်းသွားမည်ဖြစ်သော်လည်း ပါတီတခုအဖြစ် တည်ထောင် လှုပ်ရှား သွားလိမ့်မည် မဟုတ်ကြောင်း သိရသည်။

“နိုင်ငံရေးနည်းလမ်းအရ စားပွဲဝိုင်းမှာ ထိုင်ဆွေးနွေးတယ် ဆိုပေမယ့် KNU ပါတီ မထောင်ဘူး။ ၂၀၀၈ ဖွဲ့စည်းပုံ မပြင်သေးသရွေ့၊ ရှင်းရှင်းပြောရရင် KNU က ပါတီထောင်ပြီး နိုင်ငံရေး လုပ်သွားမှာ မဟုတ်ဘူး” ဟု ပဒိုကွယ်ထူးဝင်းက ပြောသည်။

KNU အဖွဲ့အတွင်း ဦးဆောင်သူများ အပြောင်းအလဲ ဖြစ်ခဲ့ပြီး မကြာမီတွင်ပင် သမ္မတ ဦးသိန်းစိန်က KNU မှ တာဝန်ရှိသူများကို နေပြည်တော်သို့ လာရောက်ရန် ဖိတ်ခေါ်မှုကြောင့် ဥက္ကဋ္ဌသစ် မူတူးစေးဖိုး၊ အထွေထွေ အတွင်းရေးမှူးချုပ် ပဒိုကွယ်ထူးဝင်း၊ ဗဟို အလုပ်အမှုဆောင်အဖွဲ့ဝင် ပဒိုမန်းငြိမ်းမောင်တို့ပါဝင်သည့် အဖွဲ့မှာ နေပြည်တော်နှင့် ရန်ကုန်မြို့တို့သို့ ရောက်နေကြခြင်း ဖြစ်သည်။

၎င်းအဖွဲ့အနေနှင့် ယခုတကြိမ်လာရောက်ခြင်းသည် ပြောင်းလဲသွားသော ခေါင်းဆောင်များနှင့် သမ္မတ ဦးသိန်းစိန် အစိုးရကို မိတ်ဆက်သည့် သဘောသာဖြစ်ပြီး နှစ်ဘက် ငြိမ်းချမ်းရေး ဆွေးနွေးမှုများ သီးသန့် ပြောဆိုခဲ့ခြင်းမရှိကြောင်း ရန်ကုန်မြို့ ငြိမ်းချမ်းရေး စင်တာတွင် ယနေ့ပြုလုပ်သည့် KNU နှင့် ပြည်တွင်းရှိ ကရင်လူမှုအဖွဲ့အစည်းများ တွေ့ဆုံချိန်တွင် KNU တာဝန်ရှိသူများက ပြောဆိုခဲ့ခြင်းဖြစ်သည်။

သမ္မတ ဦးသိန်းစိန်၊ သမ္မတရုံးဝန်ကြီး ဦးအောင်မင်း၊ ကာကွယ်ရေးဝန်ကြီး ဒုတိယ ဗိုလ်ချုပ်ကြီး ဝေလွင်တို့နှင့် တွေ့ဆုံချိန်တွင် လက်ရှိ ကချင်ပြည်နယ်တွင်း ဖြစ်ပွားနေသော စစ်မက်များနှင့် ပတ်သက်ပြီးလည်း ပြောဆိုခဲ့သည်ဟု သိရသည်။

“ကချင်ကိစ္စ၊ ကချင်နဲ့ဖြစ်နေတဲ့ ကိစ္စကလည်း ကျနော်တို့ ကရင်နဲ့ ဆက်စပ်နေတယ်။ ကချင်နဲ့ စစ်ဖြစ်နေတုန်းမှာ ကရင်နဲ့ ငြိမ်းချမ်းရေးပြောနေတယ်၊ ချင်းနဲ့ ငြိမ်းချမ်းရေး ပြောနေတယ်။ တကယ်လို့သာ တပြည်လုံး အပစ်အခတ် ရပ်စဲရေး တည်ဆောက်ချင်တယ် ဆိုရင် ကရင်နဲ့သာမက၊ ချင်းနဲ့သာမက ကချင်တွေနဲ့လည်း ညှိနှိုင်းရမယ်။ ဒါမှသာ တပြည်လုံး အတိုင်းအတာ ငြိမ်းချမ်းရေးရမယ်။

ငြိမ်းချမ်းရေးအတွက် အပစ်ရပ်မယ် ဆိုရင် တဖွဲ့တည်း၊ တဘက်တည်းက ရပ်လို့မရဘူး။ နှစ်ဘက်လုံးက ရပ်မှရမယ် ဆိုတာတွေကို သမ္မတ ဦးသိန်းစိန်၊ ၀န်ကြီးဦးအောင်မင်းတို့ကို ကျနော်တို့ ပြောခဲ့ပါတယ်” ဟု ပဒိုကွယ်ထူးဝင်းက ရှင်းပြသည်။

အနာဂတ်တွင် ပြုလုပ်မည့် ငြိမ်းချမ်းရေးစကားဝိုင်းများတွင် KNU ကို မတရားအသင်းအဖြစ် သတ်မှတ်ထားမှု ဖျက်သိမ်း ပေးရေး၊ KNU နှင့် ပတ်သက်မှုကြောင့် အကျဉ်းကျနေရသူများ အရေးတို့ကိုလည်း ထပ်မံ ထည့်သွင်း ဆွေးနွေးမှုများ ပြုလုပ်မည်ဖြစ်ကြောင်း သိရသည်။

၂၀၁၂ ခုနှစ် နှစ်ဆန်းပိုင်းတွင် အစိုးရအဖွဲ့များနှင့် KNU အဖွဲ့အကြား ငြိမ်းချမ်းရေး ဆွေးနွေးမှုများ
စတင်ခဲ့ပြီး ထိုစဉ်က အဖွဲ့ဥက္ကဋ္ဌ နော်စီဖိုးရာစိန်နှင့် အဖွဲ့တို့ ရန်ကုန်တွင် ပြည်ထောင်စုအဆင့် ဆွေးနွေးပွဲများ ပြုလုပ်နိုင်သည်အထိ ဆက်ဆံရေး တိုးတက်ခဲ့သည်။

 KNU ၏ ဆက်ဆံရေးရုံးခွဲကိုလည်း ၂၀၁၂ ခုနှစ် ဧပြီလတွင် ပဲခူးတိုင်း ကျောက်ကြီးမြို့၌ ပထမဆုံးအဖြစ် ဖွင့်လှစ်နိုင်ခဲ့သည်။

ခိုင်မာသည့် အပစ်အခတ်ရပ်စဲရေး တည်ဆောက်ရန် KNU နှင့် အစိုးရတပ်ချုပ်တို့ ဆွေးနွေး

ဇန်န၀ါရီလ ၇ရက်၊ ၂၀၁၃ခုနှစ်။ နန်းသူးလေ (ကေအိုင်စီ)

ကရင့်အမျိုးသားအစည်းအရုံး-KNU ထိပ်ပိုင်းခေါင်းဆောင် များသည် မြန်မာ့တပ်မတော်ကာကွယ်ရေး ဦးစီးချုပ် ဒုတိယဗိုလ်ချုပ်မှူးကြီး မင်းအောင်လှိုင်နှင့် ယမန်နေ့ က နေပြည်တော်၊ ဘုရင့်နောင်ရိပ်သာတွင် တွေ့ဆုံ ခဲ့ရာ တိုင်းရင်းသားလက်နက်ကိုင်အဖွဲ့များနှင့် အစိုးရအကြား ခိုင်မာသည့်အပစ်အခတ်ရပ်စဲရေး တည်ဆောက်ရန် KNU ဘက်က တင်ပြဆွေးနွေးခဲ့သည်။
KNU ၏ တွဲဖက်အတွင်းရေးမှူး(၂)ပဒိုမန်းမန်းမန်းက “ကျနော်တို့ တိုင်းရင်းသားအဖွဲ့တွေနဲ့ အစိုးရကြားက ပစ်ခတ်ရပ် စဲရေးကို ခိုင်မာအောင်တည်ဆောက် သွားဖို့ရယ်။ နောက်ပြီး ကျနော်တို့(KNU)က တင်ထားတဲ့ code of conduct ကို ပြန်ပြီးတော့ ညှိနှိုင်းဆွေးနွေးဖို့ ပြောဆိုဖြစ်ခဲ့တယ်”ဟု ကေအိုင်စီသို့ ပြောဆိုသည်။
ဆက်လက်၍ KNU နှင့် အစိုးရအကြား အပစ်အခတ်ရပ်စဲရေးကိစ္စအပြင် လက်ရှိဖြစ်ပေါ်နေသည့် ကချင်ဒေသ အခြေ အနေများကို ဆွေးနွေးခဲ့ပြီး ကချင်ပြည်နယ်တွင် တိုက်ပွဲများရပ်စဲပြီးမှသာလျှင် နိုင်ငံရေးအဆင့် ဆက်ဆွေးနွေးမည် တို့ကို ဒု-ဗိုလ်ချုပ်မှူးကြီးမင်းအောင်လှိုင်နှင့် ဆွေးနွေးခဲ့ကြောင်းလည်း ပဒိုမန်းမန်းမန်း ပြောသည်။
ဒု-ဗိုလ်ချုပ်မှူးကြီးမင်းအောင်လှိုင်က ကေအိုင်အေနှင့် ငြိမ်းချမ်းရေးဆွေးနွေးရန် ကြိုးစားနေကြောင်း၊ သမ္မတ ဦးသိန်း စိန် အစိုးရ အကောင်အထည်ဖော်နေသည့် တိုင်းရင်းသား လက်နက်ကိုင်အဖွဲ့အစည်းများနှင့် အပစ်အခတ်ရပ်စဲရေး ကိစ္စတွေကို (၇၀)ရာခိုင်နှုန်း အားရကျေနပ်မှုရှိကြောင်း၊ တပ်မတော်မှလည်း ငြိမ်းချမ်းရေးကို လိုလားကြောင်း KNU တာဝန်ရှိသူများအား ပြောကြားခဲ့ကြောင်း WunPawng ကချင်သတင်းစာမျက်နှာတွင် ရေးသားထားသည်။

ယင်းကိစ္စရပ်များနှင့် ပတ်သက်၍ ပဒိုမန်းမန်းမန်းက “တိုက်ပွဲတွေ ရပ်နိုင်ဖို့ကလည်း အဓိကတော့ အစိုးရပေါ်မှာ တာဝန်ရှိတာပေါ့နော်။ ဒါပေမယ့် ကျနော်တို့ တိုင်းရင်းသားလူမျိုးစုတွေ အားလုံးကလည်း ပူးပေါင်းဆောင်ရွက်နိုင်မှ ပြေလည်နိုင်မှာ ဖြစ်ပါတယ်။ အပစ်ခတ်ရပ်စဲရေးတစုံတရာ ရပြီးမှသာလျှင် နိုင်ငံရေး အဆင့်ကို ဆက်ပြီး တက်လို့ရမှာ ဖြစ်တော့ အပစ်အခတ်ရပ်စဲရေးကို ရအောင် အသေအချာလုပ်ဖို့တော့ လိုတယ်”ဟု ပြောသည်။

ထို့အပြင် ယမန်နေ့က ဖော်ပြသည့် ပြည်ထောင်စုသမ္မတမြန်မာနိုင်ငံတော်-နိုင်ငံတော်သမ္မတရုံး ၀က်ဘ်ဆိုဒ်ပေါ်တွင် မိမိတို့အနေဖြင့် နိုင်ငံရေးတွင် မတူကွဲပြားမှုအချို့ ရှိမည်ဖြစ်သော်လည်း တိုင်းပြည်အတွက် အကျိုးရှိစေမည့် တူညီ သည့်ကိစ္စရပ်များကို ပူးပေါင်းဆောင်ရွက်သွားရန်၊ ဖွဲ့စည်းပုံအခြေခံဥပဒေနှင့်အညီ တိုင်းရင်းသားအားလုံး တန်းတူ ညီမျှအတူတကွ ပူးပေါင်းဆောင်ရွက်လိုပါကြောင်း သမ္မတဦးသိန်းစိန် က ပြောကြားခဲ့သည်။
အလားတူ အစိုးရနှင့် KNU တို့သည် ငြိမ်းချမ်းရေး ဖော်ဆောင်မှုဆွေးနွေးပွဲများ ဆက်လက်ကျင်းပရေး၊ အပစ်အခတ် ရပ်စဲမှု ပိုမိုခိုင်မာရေး၊ ဆက်ဆံရေးရုံးများ ဆက်လက်ဖွင့်လှစ်ရေးနှင့် ဒေသဖွံ့ဖြိုးရေးကိစ္စရပ် များကို ဆွေးနွေးခဲ့ကြ သည်ဟုလည်း နိုင်ငံတော်သမ္မတရုံး ၀က်ဘ်ဆိုဒ်တွင် ဖော်ပြထားသည်။
သမ္မတဦးသိန်းစိန်၏ဖိတ်ကြားချက်အရ ကရင်အမျိုးသားအစည်းအရုံး(KNU)၏ ဥက္ကဌ ဗိုလ်ချုပ်ကြီး စောမူတူးစေးဖိုး မှ ဦးဆောင်၍ အထွေထွေ အတွင်းရေးမှူး ပဒိုစောကွယ်ထူးဝင်း၊ တွဲဖက်အတွင်းရေးမှူး (၂) ပဒိုမန်းမန်းမန်း၊ ပဒိုမန်း ငြိမ်းမောင်၊ ပဒိုစောရောဂျာခင်နှင့် ပဒိုစောလှထွန်းတို့သည် ယခုလ ဒီဇင်ဘာလ ၃ရက်နေ့က နေပြည်တော်သို့ သွားရောက်ခဲ့သည်။

KNU ကရင်အမျိုးသားအစည်းအရုံး အထွေထွေ အတွင်းရေးမှူး ပဒိုစောကွယ်ထူးဝင်းနှင့် ကရင်သတင်းဌာန (ကေအိုင်စီ) တွေ့ဆုံမေးမြန်းချက်

 
KIC – ၁၅ကြိမ်မြောက် ကွန်ကရက်အပြီးနောက်ပိုင်း ကေအဲန်ယူရဲ့ ရပ်တည်ချက်နဲ့ ရှေ့ဆက် ဦးတည်ဆောင်ရွက်မဲ့ လုပ်ငန်းစဉ် တွေကို ပြောပြပေးပါလား။

ပဒိုစောကွယ်ထူးဝင်း – စည်းလုံးညီညွတ်မှုဟာ ကျနော်တို့ ရှေ့ဆက်လုပ်ငန်းစဉ်အတွက် အရေးကြီးဆုံးဖြစ်တယ်။ ကျနော်တို့ မြန်မာနိုင်ငံ အစိုးရအနေနဲ့လည်း ငြိမ်းချမ်းရေးလုပ်ငန်းစဉ်များနဲ့ အမျိုးသား ပြန်လည် သင့်မြတ်ရေးတွေကိုလည်း လုပ်မယ်။ ဒါတွေဟာ မရှိမဖြစ် ရှိသင့်တဲ့အရာဖြစ်တယ်။ ဒါတွေအားလုံးဟာ ပြည်သူလူထုအတွက် အကျိုးသက်ရောက်မှု ရှိရမယ်လို့ ကျနော်တို့ ယုံကြည်ထားတယ်။ ရှေ့ဆက် အမျိုးသမီးပါဝင်မှုမှာလည်း ဦးဆောင်မှုကော၊ ပူးပေါင်းဆောင်ရွက်မှုပါ ကျနော်တို့ မြှင့်တင်ပေးဖို့ လိုတယ်။ ဒီအတိုင်းပဲ ကျနော်တို့ဟာ ကိုယ့်ပြည်သူလူထု အခွင့်အရေးအတွက် ဦးဆောင်သွားမယ့် အဖွဲ့အစည်း ဖြစ်တယ်။ ကျနော်တို့ ရှေ့ဆက်သွားမယ့် လုပ်ငန်းစဉ်မှာဆိုရင် အခက်အခဲများစွာ ရင်ဆိုင်နေကြရတဲ့ မြန်မာနိုင်ငံအတွင်းမှာ ကရင်လူမျိုးတစ်ခုတည်းမဟုတ်ဘဲ အခြားတိုင်းရင်းသားတွေ၊ ဒီမိုကရေစီအဖွဲ့အစည်းတွေနဲ့လည်း ရှေ့ဆက် လက်တွဲပြီး အတူ လုပ်ဆောင်သွားကြရမှာ ဖြစ်တယ်။ နောက်တခုကတော့ နိုင်ငံရေးပြဿနာကို နိုင်ငံရေး နည်းနဲ့ တွေ့ဆုံဆွေးနွေးမှုတွေ ပြုလုပ်ရ မှာ ဖြစ်တယ်။ ဒီနိုင်ငံရေးပြဿနာများကို ဆွေးနွေးညှိနှိုင်းလို့မရသရွေ့ ကျနော်တို့ လက်နက်တွေကတော့ ကျနော်တို့လက်ထဲမှာ ပဲ ထားရှိရဦးမှာပါ။ နောက်တခုက လာမဲ့ ဗဟိုကော်မတီ အစည်းအဝေးမှာ ကျနော်တို့ လူ့အခွင့်အရေး ကော်မရှင် ဖွဲ့သွားဖို့ရှိ တယ်။ ဒါက ပြည်သူလူထု အခွင့်အရေးတွေ ကို ကာကွယ်နိုင်ဖို့အတွက်ပါပဲ။ ဘာဖြစ်လဲဆိုတော့ ပြည်သူလူထု အခွင့်အရေးတွေ ကို ထိခိုက်အောင်လုပ်တာ အစိုးရတစ်စုထဲ မဟုတ်ပါဘူး။ တခါတလေ ကိုယ့်အဖွဲ့အစည်းတွေမှာလည်း လုပ်တာ ရှိတယ်။ ဒီအ ခြေအနေတွေဟာ ကျနော်တို့ ဗဟိုကော်မတီအဖွဲ့ဝင်ကနေတဆင့် ကော်မရှင်ကို တင်ပြလာမှာ ဖြစ်ပါတယ်။

KIC – ရှေ့ဆက် ငြိမ်းချမ်းရေးတွေ့ဆုံဆွေးနွေးရေးနှင့် ပတ်သက်ပြီး ပြန်တက်လာတဲ့ ကေအဲန်ယူခေါင်းဆောင်သစ်တွေ ဦးဆုံး အစီအစဉ် ဘယ်လိုရှိထားပါသလဲ။

ပဒိုစောကွယ်ထူးဝင်း – အခုလက်ရှိမှာက ငြိမ်းချမ်းရေး တွေ့ဆုံဆွေးနွေးရေးနဲ့ ပတ်သက်ပြီးတော့ သေသေချာချာ ဆွေးနွေးတာ ဘာမှမရှိသေးပါဘူး။ ဒီအပစ်ခတ်ရပ်စဲရေးတခုပဲ ရှိသေးတာ။ အဲဒါတောင် ထိထိရောက်ရောက် မဟုတ်သေးဘူး။ လိုက်နာရ မယ့် စည်းကမ်းသတ်မှတ်ချက်တွေပဲ အစိုးရက သဘောတူထားသေးတာ။ ဒါကို အခြေခံပြီး စစ်မှန်တဲ့ အပစ်ခတ်ရပ်စဲရေးကို အသေအချာ တည်တံ့ခိုင်မြဲသွားအောင် လုပ်ဆောင်သွားရမှာပါ။ ကျနော်တို့သဘောထားက စစ်မှန်တဲ့အပစ်ခတ်ရပ်စဲရေး ခိုင်မြဲ အောင်လုပ်ပြီး ဆက်ပြီး နိုင်ငံရေးတွေ့ဆုံဆွေးနွေးရေးကို လုပ်သွားမယ်။ နိုင်ငံရေးအရ တွေ့ဆုံဆွေးနွေးတာ ကို ကျနော်တို့ ကရင် လူမျိုးပဲ မဟုတ်ဘူး၊ အခြားသောတိုင်းရင်းသားတွေလည်း ပါဝင် သွားရမှာဖြစ်တယ်။ ဒါ အစကနဦးကနေ သဘောထား ခံယူချက် ထားရှိထားတဲ့အတိုင်း ကျနော်တို့ရှေ့ဆက် သွားမှာဖြစ်တယ်။ တွေ့ဆုံဆွေးနွေးမှုနဲ့ပတ်သက်တဲ့ Road Map အဆင့် ၄ဆင့်က တော့ အခြေခံဖြစ်တာမို့ ချထားတဲ့ လမ်းစဉ်အဆင့်အတိုင်း သွားရမှာပဲ ၁။ အပစ်ခတ်ရပ်စဲရေး ၂။ခိုင်ခိုင်မာမာဖြစ်လာရေး ၃။နိုင်ငံရေးအရ တွေ့ ဆုံဆွေးနွေးရေး ဒီအဆင့်တွေအားလုံး အဆင်ပြေ ချောမွေ့သွားပြီးမှ နောက်ထပ် နိုင်ငံပြန် လည်ထူ ထောင်နိုင်မှာ ဖြစ်တယ်လို့ ကျနော်ယုံကြည်တယ်။

KIC – ဒုက္ခသည်တွေ ပြန်လည်နေရာချထားရေးနဲ့ ပတ်သက်ပြီး ကေအဲန်ယူရဲ့ သဘောထားနဲ့ အစီအစဉ်တွေ ဘယ်လိုရှိထားပါ သလဲ။

ပဒိုစောကွယ်ထူးဝင်း – ဒါကတော့ နိုင်ငံတည်ငြိမ်မှုရှိမှ၊ စစ်မီးငြိမ်းမှသာ ဒါဟာ အဆင်ပြေမှာ။ ယခုလက်ရှိအရ ပြန်ကြည့်ရင် ကျနော်တို့ အပစ်ခတ်ရပ်စဲရေးက အသေအချာ မရှိသေးဘူး၊ ဒါကြောင့် နိုင်ငံရေးတည်ငြိမ်အေးချမ်းမှု မရှိသရွေ့ကတော့ တိုက် ပွဲတွေ ပြန်ဖြစ်နိုင်တယ်။ ဒါကြောင့် သူတို့တွေကို ပြန်လည်နေရာချထားဖို့ကတော့ နိုင်ငံတကာ စံချိန်စံညွန်းရှိထားတဲ့အတိုင်း ကျနော်တို့လုပ်ရမယ်။ ပြန်မယ့်လူကလည်း သူတို့ဆန္ဒအရ ဖြစ်ရမယ်။ ပြည်တွင်း လုံခြုံစိတ်ချရမှု မရှိသရွေ့ကတော့ ပြန်ပို့ဖို့ အစီ အစဉ်မရှိသေးဘူး။ ကျနော်တို့လည်း လက်ခံမှာမဟုတ်ဘူး။ ဒါက တကယ်ငြိမ်းချမ်းမှုရှိမှ၊ ဒုက္ခသည်တွေလည်း ဆန္ဒရှိမှ၊ နိုင်ငံ တည်ငြိမ်အေးချမ်းမှုရမှ သူတို့တွေကို ပြန်ပို့ရမှာဖြစ်တယ်။

KIC – ပြည်တွင်းပြည်ပမှာ ရောက်ရှိနေကြတဲ့ ကရင်အားလုံး စည်းစည်းလုံးလုံးပြန်နေနိုင်အောင် ဘယ်လိုလုပ်သွားဖို့ အစီအစဉ် ရှိပါသလဲ။
ပဒိုစောကွယ်ထူးဝင်း – ဒီမေးခွန်းက ကျနော်တို့အတွက် အရေးကြီးပါတယ်။ ဘာဖြစ်လဲဆိုတော့ ယခုဆို အခြေအနေ အကြောင်း ကြောင်းကြောင့် ကျနော်တို့လူမျိုးတွေဟာ နေရာတော်တော်များများ ရောက်ရှိနေထိုင်နေရတယ်။ သူတို့ ပတ်ဝန်းကျင် မတူကြ ဘူး။ အတွေးအမြင်လည်း ကွဲပြားကြတယ်။ ဘာပဲဖြစ်ဖြစ် ဘယ်မှာပဲနေနေ ကျနော်ယုံကြည်တာကတော့ သူတို့မှာ ကရင်လူမျိုး ဆိုတဲ့စိတ် ရှိကြတာပဲ။ သူတို့ကို စည်းလုံးနိုင်ရေးအတွက် ငြိမ်းချမ်းမှုရမှ လုပ်လို့ရတာဖြစ်တယ်။ နောက် ကျနော်တို့ အားလုံး ကရင်လူမျိုးဆိုတဲ့အောက်မှာ ရည်မှန်းချက်ကို တစ်ဆင့်ပြီးတစ်ဆင့် သွားရဦးမှာ ဖြစ်တယ်။ ဒါတွေလည်း ပြည်တွင်းပြည်ပမှာ ရောက်ရှိနေထိုင်ကြတဲ့ ကရင်လူမျိုးအားလုံးလည်း အတူတကွ ပါဝင်လုပ်ဆောင်ရမှာ ဖြစ်တယ်။ ငြိမ်းချမ်းဖို့အတွက် စည်းလုံး ခြင်းဟာ အရေးကြီးတဲ့အချက်ပါပဲ။

KIC – ကရင်ဒေသတွေမှာ စီးပွားရေး၊ ဖွံ့ဖြိုးတိုးတက်ရေးတွေနဲ့ ပတ်သက်ပြီး လာပြီးချဉ်းကပ်ထားတာတွေ ရှိတော့ အနာဂတ်မှာ လုပ်ဆောင်သွားဖို့ ကေအဲန်ယူ ကွန်ဂရက်မှာ ဘယ်လိုပေါ်လစီမျိုး ချမှတ်ထားရှိပါသလဲ။

ပဒိုစောကွယ်ထူးဝင်း – ကျနော်တို့ လူနေမှုဘဝ အဆင့်မြင့်ဖို့ ကရင်တစ်မျိုးသားလုံး မျှော်လင့်ချက်ရှိကြတယ်။ နိုင်ငံတကာအ ဆင့်မှီအောင် လုပ်ရမှာဖြစ်တယ်။ ဒါပေမယ့်လို့ အခုကတော့ အပစ်ခတ်ရပ်စဲရေး ငြိမ်သက်မှုမရှိသေးဘူး။ ဖွံ့ဖြိုးတိုးတက်ရေးလုပ် ငန်းစဉ်နဲ့ပတ်သက်ပြီး ဘယ်လောက်ထိ ပြည်သူတွေအတွက် အကျိုးသက်ရောက်မှုရှိလဲ ၃။သဘာဝပတ်ဝန်းကျင်ကို ထိခိုက်မှု ရှိသလား။ ပြည်သူတွေအတွက် နေရာဒေသ ထိခိုက်နိုင်သလားဆိုတာ ကျနော်တို့လေ့လာသွားရဦးမယ်။ တစ်ခါထဲ လုပ်မယ်ဆို တာ မဖြစ်နိုင်ဘူးလေ။ ဒါနဲ့ပတ်သက်လို့ ကျနော်တို့ ကော်မတီတရပ် ဖွဲ့စည်းသွားဖို့ အစီအစဉ်ရှိတယ်။ ဒီကော်မတီရှိလာမှ စီးပွား ရေးနဲ့ပတ်သက်တဲ့ လုပ်ငန်းစဉ်၊ အစီအစဉ်တွေ ချပြပြီးတော့ ပြည်သူတွေအတွက် အကျိုးရှိတဲ့လုပ်ငန်းတွေ ကျနော်တို့ ကြိုးစား လုပ်ဆောင်ပေးဖို့ ရှိတယ်။ အဖွဲ့အစည်းတစ်ခုတည်းအတွက် မဟုတ်ဘူး။ အနာဂတ်မှာလည်း ပြည်သူတွေအတွက် အကျိုးရှိ အောင်၊ ရင်းနှီးမြှုပ်နှံသူအတွက်လည်း အကျိုးရှိအောင် လုပ်ဆောင်သွားဖို့ ရှိပါတယ်။ စီးပွားရေးနဲ့ ပတ်သက်ပြီး ဆောင်ရွက် ဖို့က တော့ အတွေ့အကြုံရှိတဲ့သူ၊ နားလည်တတ်ကျွမ်းတဲ့ ပညာရှင်တွေကို သီးသန့် ရွေးချယ်သွားမှာပါ။

KIC – ဒီအပစ်ခတ်ရပ်စဲရေးနောက်ပိုင်း ဆက်ဆံရေးရုံးတွေ ဖွင့်လှစ်ထားတာရှိတယ်လေ။ ဒီရုံးတွေရဲ့လုပ်ငန်းတာဝန်တွေက ဘာတွေပါလဲ။

ပဒိုစောကွယ်ထူးဝင်း – အပစ်အခတ်ရပ်စဲရေးကြောင့် ဒီဆက်သွယ်ရေးတွေ ဖွင့်ရတယ်။ ဒီရုံးတွေဟာ ကျနော်တို့အဖွဲ့အစည်းနဲ့ အစိုးရအကြား ဆက်သွယ်မှုလုပ်ဖို့ ဖြစ်တယ်။ ကျနော်တို့ ဒီလို နားလည်ထားသလို အစိုးရဘက်ကလည်း လက်ခံရမှာဖြစ်တယ်။ အခက်အခဲဖြစ်စေ၊ နားလည်လွဲမှုဖြစ်စေ နှစ်ဦးနှစ်ဘက်ကြား ရှိလာရင် ဆက်သွယ်မှုတွေလုပ်ပြီး အသိပေးရမှာဖြစ်တယ်။ နောက် ပြည်သူ လူထုရဲ့ ခံစားချက်တွေကို တင်ပြနိုင်ဖို့အတွက်နဲ့ ပြည်သူတွေရဲ့ ဖိနှိပ်ပြုကျင့်ခံရမှုဖြစ်စေ၊ ကျနော်တို့ အဖွဲ့ အစည်းလုပ် ငန်းနဲ့ ပတ်သက်ပြီး မပြေလည်မှုတွေရှိလာသည်ဖြစ်စေ၊ အစိုးရအဖွဲ့ဖြစ်စေ၊ စစ်တပ်ဖြစ်စေ ဆက်သွယ်နိုင်ဖို့အတွက် ဖြစ်တယ်။ ရှေ့ဆက်ပြီးတော့ ဖြစ်နိုင်မယ်ဆိုလို့ရှိရင် ပြည်သူလူထုတွေအတွက် ဒီထက်မက လုပ်နိုင်တဲ့ အခြေအနေဖြစ်လာဖို့ကို ကျနော်တို့ သဘောထားရှိတယ်။

KIC – ကေအဲန်ယူ ရွေးကောက်ပွဲမှာ ခေါင်းဆောင်ဟောင်းတွေ ပြန်မပါလာတော့တဲ့အပေါ် ဝေဖန်မှုတွေ ရှိလာတာမို့ အဲဒီအပေါ် မှာ ဘယ်လိုပြောပြချင်ပါသလဲ။

ပဒိုစောကွယ်ထူးဝင်း – ဒီရွေးကောက်ပွဲမှာ ခေါင်းဆောင်ဟောင်းတွေ ဗဟိုကော်မတီမှာ မပါဝင်တာကတော့ ကျနော်တို့ရဲ့ မဲပေး တဲ့စနစ်က ဆုံးဖြတ်ပေးတာဖြစ်တယ်။ ကျနော်တို့ ဘယ်သူ့ကိုရွေးမလဲဆိုတာကို တိုင်ပင်ခွင့်ရှိပေမယ့် မဲပေးတော့ ကိုယ့်စိတ် ကြိုက်ကိုပဲ ပေးကြတာပါ။ တစ်ချို့ကတော့ ဒါဟာ သူ့အဖွဲ့ကိုယ့်အဖွဲ့၊ သူ့ဂိုဏ်းကိုယ့်ဂိုဏ်းတွေ ရှိနေကြတယ်လို့ မြင်နေကြ တယ်။ ဘယ်အဖွဲ့အစည်းမဆို အမြင်တမျိုးတည်းတော့ မရှိပါဘူး။ တချို့ကိစ္စတွေကိုတော့ ကျနော်တို့ လျှို့ဝှက်မဲပေးစနစ်နဲ့ လုပ် ရတာမို့ ဒါဟာလည်း ဒီမိုကရေစီနည်းကို ကျင့်သုံးတာပါပဲ။ နောက်တချက်ကတော့ ကျနော်တို့ စစ်ဦးစီးချုပ်ကို ရွေးချယ်တဲ့နေရာ မှာ ကျနော်တို့ တစ်ဦးနှစ်ဦးထဲက ရွေးချယ်တင်မြှောက်တာ မဟုတ်ပါဘူး။ တပ်မဟာမှူးတွေ အားလုံးက ၀ိုင်းဝန်းရွေးချယ်ကြတာ ဖြစ်ပါတယ်။ တချို့ခေါင်းဆောင်တွေဟာ အတွေ့အကြုံရှိတဲ့အပြင် လုပ်သက်ရင့်တဲ့ ခေါင်းဆောင်တွေဖြစ်တယ်။ ဒုတိယအချက် အနေနဲ့ သူတို့တွေရဲ့ နိုင်ငံရေးခံယူချက်နဲ့ အရည်အချင်းပါ။ အဲဒီသုံးချက်အပေါ်မှာ ကျနော်တို့ တပ်မဟာ ၇နဲ့ တပ်မဟာ ၅က ခေါင်းဆောင်တွေကို ရွေးချယ် လိုက်တာ ဖြစ်ပါတယ်။

KIC – ကေအဲန်ယူမှာ အရင်ရှိခဲ့တဲ့ အရံဗဟိုကော်မတီ ပြုတ်သွားပြီး ဗဟိုအမြဲတမ်း ကော်မတီတခုပဲ ရှိတော့တာနဲ့ Executive Committee-EC အဖွဲ့ဝင်တွေ ဌာနဆိုင်ရာကို မကိုင်တွယ်ဖြစ်တော့တာ ဘာကြောင့်လဲဆိုတာ နည်းနည်း ရှင်းပြပေးပါလား။

ပဒိုစောကွယ်ထူးဝင်း – အရံဗဟိုကော်မတီဆိုတာက ဖွဲ့ စည်းပုံကနေလာတာ မဟုတ်ပါဘူး။ အဲဒါက ဗဟိုကော်မတီအတွက် အရံလူငယ်တွေကို မြေတောင်မြှောက် လက်တွဲခေါ်ယူပြီး ဗဟိုကော်မတီအတွက် ပြင်ဆင်ထားတဲ့အနေနဲ့ အရံဗဟိုကော်မတီ တွေအဖြစ် ၁၉၈၂ခုနှစ်ကတည်းကစပြီး လုပ်လာခဲ့တာ ဖြစ်တယ်။ ဒါပေမဲ့လို့ အရံဗဟိုကော်မတီအဖွဲ့တွေက စနစ်တကျ မရှိခဲ့ ဘူး။ တချို့အရံကော်မတီတွေဟာ ဗဟိုကော်မတီထက် ပိုပြီး အလုပ်လုပ်နိုင်တာလည်း ရှိတယ်။ ဒါကြောင့် လူငယ်တွေ အနာ ဂတ် အုပ်ချုပ်ရေးမှာ ပါဝင်နိုင်အောင်၊ အလုပ်ပိုလုပ်နိုင်အောင်လို့ အထူးအစီအစဉ်အနေနဲ့ ဗဟိုကော်မတီအဖွဲ့ကို ၄၅ယောက်ထိ တိုးချဲ့လိုက်ပြီး အရံကော်မတီကို မထားတော့တာပါ။ ဒုတိယတချက်အနေနဲ့က ဗဟိုအလုပ်အမှုဆောင်ကော်မတီနဲ့ဆိုင်တဲ့ နိုင်ငံ ရေးကိစ္စတွေနဲ့ ဆက်စပ်တဲ့ အုပ်ချုပ်ရေးပိုင်းကိုသာ ကြီးငါးကြီးက အဓိကထား ဦးစီးလုပ်ဆောင်သွားမှာ ဖြစ်ပါတယ်။ ကျန်တဲ့ ကိစ္စရပ်များ အထူးသဖြင့် စီးပွားရေး၊ စည်းကမ်းထိန်းသိမ်းရေး၊ တရားစီရင်ရေး ကိစ္စတွေကိုတော့ တခြားဗဟိုကော်မတီဝင်တွေ က လုပ်ဆောင်ပါလိမ့်မယ်။ ဒီလို တာဝန်ခွဲဝေတော့ လုပ်ငန်းမှာ ထိရောက်မှုပိုရှိမယ်လို့ ထင်ပါတယ်။

KIC – ကချင်ပြည်နယ်မှာ ဖြစ်နေတဲ့ တိုက်ပွဲတွေအပေါ် မဟာမိတ်အဖွဲ့အစည်းအနေနဲ့ ရှေ့ဆက် ဘယ်လို လုပ်ဆောင်သွားမလဲ။

ပဒိုစောကွယ်ထူးဝင်း – ဒါကြောင့်မို့ ကျနော်တို့  အတူတကွ လက်တွဲ လုပ်ဆောင်သွားရမှာ ဖြစ်တယ်။ ကျနော်တို့အနေနဲ့ စစ်ရေး တစ်ခုတည်းမဟုတ်ပဲ နိုင်ငံရေးအရကော နည်းလမ်းပေါင်းစုံသုံးပြီးတော့ လုပ်ဆောင်သွားရမယ်။ အဖွဲ့ အစည်းပေါင်းစုံနဲ့ အတူတ ကွ လက်တွဲ ပူးပေါင်းလုပ်ဆောင်မှ ကျနော်တို့ ခွန်အားတွေ ရှိလာပြီး ကျနော်တို့ရဲ့ လိုလားချက်၊ တောင်းဆိုချက်တွေကို ကျယ်ကျယ်လောင်လောင် နဲ့ တောင်းဆိုနိုင်မယ်။ လိုလားချက်၊ ရည်မှန်းချက်တွေ ရအောင် လုပ်ဆောင် နိုင်မယ်။

KIC – ကေအဲန်ယူဟာ လာမဲ့ ၂၀၁၅ ရွေးကောက်ပွဲမှာ နိုင်ငံရေးပါတီအနေနဲ့ ဝင်ရောက်ယှဉ်ပြိုင်ဖို့ ရည်မှန်းချက်ရှိပါသလား။

ပဒိုစောကွယ်ထူးဝင်း – ကျနော်တို့ဟာ တော်လှန်ရေးလက်နက်ကိုင်အဖွဲ့တစ်ဖွဲ့ ဖြစ်တယ်။ ကျနော်တို့ဟာ လက်နက်ကိုင်ဆောင် ထားတဲ့သူတွေ ဖြစ်တယ်။ အစိုးရက လုပ်မဲ့လမ်းစဉ်အတိုင်း သူတို့ ၂၀၁၅ အတွက် တစ်တိုင်းပြည်လုံး ရွေးကောက်ပွဲလုပ်မှာပဲ။ အခုပြဌာန်းထားတဲ့ ၂၀၀၈ ဖွဲ့စည်းပုံကို ကျနော်တို့တော့ လက်မခံဘူး။ ဒါက တိုင်းရင်းသားတွေအတွက် ဘဝအာမခံချက်မရှိဘူး။ ကျနော်တို့အတွက် မျော်လင့်ချက်မရှိဘူး။ ဒီမိုကရေစီ အာမခံချက် အခွင့်အလမ်း မရှိဘူး။ စစ်တပ်က စိုးမိုးနေဆဲဖြစ်တဲ့အတွက် ကျနော်တို့ လက်မခံဘူး။ ဒီဖွဲ့စည်းပုံကို မပြင်နိုင်ရင်တော့ ကျနော်တို့လူမျိုးအတွက် အာမခံချက် မရှိဘဲနဲ့ ပါတီမှတ်ပုံတင် (Register)လုပ်ပြီး ရွေးကောက်ပွဲကို ဝင်ရောက်ဖို့ မဖြစ်နိုင်ဘူး။

KNU နဲ့ သမ္မတ ဦးသိန်းစိန် တွေ့ဆုံ

မြန်မာသမ္မတ ဦးသိန်းစိန် နဲ့ ကရင်အမျိုးသား အစည်းအရုံး (KNU) ခေါင်းဆောင်များ တွေ့ဆုံခဲ့ကြစဉ်။ (ဇန်န၀ါရီလ ၁ ရက်၊ ၂၀၁၃)။

အောင်ရဲ မောင်မောင်

05.01.2013 

နိုင်ငံတော်သမ္မတ ဦးသိန်းစိန်နဲ့ ကရင်အမျိုးသားအစည်းအရုံး ကေအန်ယူ ဥက္ကဋ္ဌ ဗိုလ်ချုပ်ကြီးစောမူတူးဆေးဖိုးတို့ နေပြည်တော်မှာ ဒီကနေ့ တွေ့ဆုံခဲ့ကြပါတယ်။ အခုလို တွေ့ဆုံတဲ့အခါမှာ ကေအန်ယူ နဲ့ ပြည်ထောင်စု အစိုးရကြား ငြိမ်းချမ်းရေး ခိုင်မာဖို့ ဆွေးနွေးမှုတွေ ရှိခဲ့သလို ပြည်တွင်းမှာ တိုင်ပွဲတွေဖြစ်နေတဲ့ ကေအိုင်အေနဲ့ ငြိမ်းချမ်းရေး ပြုလုပ်တဲ့အခါ ကေအန်ယူက ကူညီကြဖို့ နိုင်ငံတော်သမ္မတ က ပန်ကြား ခဲ့ကြောင်း ကေအန်ယူ ဗဟိုအလုပ်မှုဆောင်အဖွဲ့ဝင် တစ်ဦးက ပြောပါတယ်။ ဒီအကြောင်း အပြည့်အစုံကိုတော့ ဆက်သွယ် မေးမြန်းထားတဲ့ ဗွီအိုအေ သတင်းထောက် ကိုအောင်ရဲမောင်မောင်က တင်ပြထားပါတယ်။

နေပြည်တော်မှာ နိုင်ငံတော်သမ္မတရဲ့ ဖိတ်ကြားချက်နဲ့ ရောက်ရှိနေတဲ့ ကေအန်ယူ ခေါင်းဆောင် ပိုင်းတွေဟာ ဒီကနေ့မှာ နိုင်ငံတော် သမ္မတနဲ့ တွေ့ဆုံဆွေးနွေးမှုတွေ ပြုလုပ်ခဲ့ကြတာပါ။ ခုလို တွေ့ဆုံဆွေးနွေးမှုတွေ ပြုလုပ်တဲ့အခါမှာ ကေအန်ယူနဲ့ ထာဝရငြိမ်းချမ်းရေး ရဖို့နဲ့ ရရှိထားတဲ့ ငြိမ်းချမ်းရေးကိုလည်း အစဉ်တည်မြဲဖို့ ဆွေးနွေးမှုတွေ ပြုလုပ်ခဲ့ကြတယ်လို့ ကေအန်ယူ ဗဟိုအလုပ်မှုဆောင် ဖဒိုမန်းငြိမ်းမောင်က ပြောပါတယ်။

“ဒီနေ့ ကျနော်တို့ သမ္မတကြီးနဲ့ တွေ့ဆုံဆွေးနွေးရတာ အင်မတန်မှ ကောင်းပါတယ်ခင်ဗျ။ ကျနော်တို့ နှစ်ဦးနှစ်ဘက် ပွင့်ပွင့်လင်းလင်း ဆွေးနွေးကြတဲ့အခါကျတော့ ကျနော်တို့ ရှေ့သွားမယ့် ငြိမ်းချမ်းရေး ခရီးစဉ်တွေ၊ အပစ်အခတ် ရပ်စဲရေး ခိုင်မြဲအောင် ကျနော်တို့ လုပ်မယ်၊ ငြိမ်းချမ်းရေး ခရီးစဉ်တွေကို ကျနော်တို့ အခက်အခဲ၊ ဘယ်လို စိန်ခေါ်မှု၊ စမ်းသပ်မှုတွေ ဖြစ်ဖြစ် နှစ်ဦးနှစ်ဘက် ပူးပေါင်းပြီးတော့ ဆောင်ရွက်သွားမယ် ဆိုပြီးတော့ အဲဒီလို အမြင်ချင်း တူကြပါတယ်ခင်ဗျ။”

ကေအန်ယူ နဲ့ ငြိမ်းချမ်းရေး အစဉ် တည်မြဲဖို့ ဆွေးနွေးချိန်မှာပဲ ပြည်တွင်းမှာ ငြိမ်းချမ်းရေး မရဘဲ အပစ်အခတ်တွေ ရှိနေတဲ့ ကချင် ကေအိုင်အေ နဲ့ ငြိမ်းချမ်းရေး ညှိနှိုင်းရာမှာလည်း ကေအန်ယူ အနေနဲ့ ကူညီဖို့ နိုင်ငံတော် သမ္မတက ပန်ကြားခဲ့တယ်လို့လည်း ဖဒိုမန်းငြိမ်းမောင်က ပြောပါတယ်။

“အစိုးရဘက်ကလည်း ကျနော်တို့ကို အကူအညီ တောင်းပါတယ်။ ကချင်နဲ့ ပဋိပက္ခဖြစ်စဉ် ဖြစ်တဲ့အပေါ်မှာ ကေအန်ယူ ကရင်အမျိုးသား အစည်းအရုံး အနေနဲ့ ကျနော်တို့ ၀ိုင်းဝန်ပြီးတော ဒါကိုတော့ ကျနော်တို့ရဲ့ လုပ်အားတွေကို အကူအညီ တောင်းခံပါတယ်၊ နိုင်ငံတော် သမ္မတကြီးက။ ဒီအပေါ်မှာ ကျနော်တို့ကလည်း ဘ၀တူ ညီနောင် တိုင်းရင်းသားတွေရဲ့ အခက်အခဲတွေ၊ ဒုက္ခသုက္ခတွေကို ကျနော်တို့ တထောင့်တနေရာကနေ ၀ိုင်းဝန်းဖြေရှင်းဖို့ ဆိုပြီးတော့ ကျနော်တို့ ကေအန်ယူ ဥက္ကဋ္ဌ ကလည်း သဘောထား ပေးပါတယ်ခင်ဗျ။”

၁ နှစ်ကျော်ကြာ အပစ်ရပ်စဲထားပြီးဖြစ်တဲ့ ကေအန်ယူ နဲ့ ဒီကနေ့ တွေ့ဆုံပွဲဟာ အတော်ပဲ ခရီးရောက်ခဲ့တယ်လို့ မြန်မာနိုင်ငံ ငြိမ်းချမ်းရေး ဖော်ဆောင်မှုစင်တာက အကြံပေး ဦးလှမောင်ရွှေက ပြောပါတယ်။

“ကေအန်ယူ (၁၅) ကြိမ်မြောက် ကွန်ဂရက်ကနေပြီးတော့ ကျနော်တို့ ရွေးချယ်ပစ်လိုက်တဲ့ ဥက္ကဋ္ဌကြီး မူတူးဆေးဖိုးနဲ့ အဖွဲ့ဝင် ၆ ဦး ပါတဲ့ အဖွဲ့ကနေပြီးတော့မှ ဒီကနေ့ ၄ နာရီမှာ နိုင်ငံတော်သမ္မတ အဆောက်အဦးမှာ တွေ့ပါတယ်။ အဲဒီတော့ ညနေ ၄ နာရီကနေ ၅ နာရီခွဲအထိ တနာရီခွဲကြာ တွေ့ပါတယ်။ အဲဒီတော့ စစချင်း၊ တွေ့ဆုံပွဲ အခမ်းအနားမှာ ကေအန်ယူ ဥက္ကဋ္ဌ ကနေပြီးတော့ နှစ်သစ်ကူးမှာ ငြိမ်းချမ်းရေး လုပ်ငန်းတွေ သမ္မတကြီးအနေနဲ့ ပိုမို ဆောင်ရွက်ချင်တဲ့ အပေါ်မှာ၊ ကရင်ရိုးရာ သင်တိုင်း အပြာရောင်ပေါ့နော်၊ ငြိမ်းချမ်းရေး အထိန်းအမှတ် အပြာရောင်ကို သူကိုယ်တိုင် သမ္မတကြီးကို ၀တ်ဆင်ပေးပါတယ်။ အဲဒါပြီးတော့မှ သူတို့ ဆွေးနွေးပွဲတွေ စပါတယ်။”

ပြည်ထောင်စုအဆင့် ငြိမ်းချမ်းရေး ဖော်ဆောင်မှု ကိစ္စတွေ နိုင်ငံရေး စကားပြောတာတွေကိုပါ လုပ်ဆောင်ဖို့ အလွန်ပဲ နီးစပ်နေပြီလို့လည်း ဖဒိုမန်းငြိမ်းမောင်က ပြောပါတယ်။
နယ်မြေဒေသ တည်ငြိမ်နေပြီဖြစ်တဲ့ ကရင်ပြည်နယ်အတွင်းမှာ ဒေသတွင်း ဖွံဖြိုးရေးတွေကို မကြာမီ လုပ်ဆောင်ဖို့ရှိတယ် လို့လည်း ကေအန်ယူ ခေါင်းဆောင်ပိုင်းတွေက ပြောပါတယ်။
ဒီကနေ့ တွေ့ဆုံပွဲဟာ အချိန် ၁ နာရီ ကျော် ကြာမြင့်ခဲ့ပြီး နိုင်ငံတော်သမ္မတနဲ့ ရင်းရင်နှီးနှီး ပွင့်ပွင့်လင်းလင်း စကားတွေ ပြောနိုင်ခဲ့လို့ အလွန် ၀မ်းသာမိတဲ့အကြောင်း ဖဒို မန်းငြိမ်းမောင် က ပြောပါတယ်။

ဒီကနေ့ နိုင်ငံတော်သမ္မတနဲ့ ကေအန်ယူ ခေါင်းဆောင် ဗိုလ်ချုပ်ကြီး စောမူတူးဆေးဖိုး တွေ့ဆုံပွဲ မှာ ကေအန်ယူဘက်က ထိပ်တန်း ခေါင်းဆောင်ပိုင်းတွေနဲ့ ပြည်ထောင်စု အစိုးရဘက်က သမ္မတရုံးဝန်ကြီး ဦးအောင်မင်း၊ ဦးစိုသိန်း၊ ဦးခင်ရီ တို့ အပါအ၀င် မြန်မာငြိမ်းချမ်းရေးဖော်ဆောင်မှု စင်တာက တာဝန်ရှိသူတွေလည်း တက်ရောက်ခဲ့တာကို တွေ့ရပါတယ်။

KNU အဖွဲ့ ကာကွယ်ရေးဦးစီးချုပ်နဲ့ တွေ့ဆုံ

KNU ဥက္ကဌ ဗိုလ်ချုပ်ကြီး စောမူတူးဆေးဖိုး ဦးဆောင်တဲ့ အဖွဲ့ တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင်တို့ နေပြည်တော် ဘုရင့်နောင် ရိပ်သာတွင် ဇန်နဝါရီ ၆ ရက်နေ့က တွေ့ဆုံဆွေးနွေးစဉ် 

ကရင်အမျိုးသား အစည်းအရုံး KNU ခေါင်းဆောင်တွေဟာ ကာကွယ်ရေး ဦးစီးချုပ် ဒုတိယ ဗိုလ်ချုပ်ကြီး မင်းအောင်လှိုင်နဲ့ ဒီကနေ့ တွေ့ဆုံပါတယ်။ အပစ်အခတ် ရပ်စဲရေးက တဆင့် ငြိမ်းချမ်းရေးရဖို့ ကြိုးပမ်းသွားမယ်လို့ နှစ်ဘက်စလုံးက ကတိပြုခဲ့ကြတဲ့အကြောင်း သိရပါတယ်။ တချိန်တည်းမှာပဲ ကရင်အမျိုးသား အားလုံး ပါဝင်တဲ့ ညီလာခံတရပ်ကို ရန်ကုန်မှာ ခေါ်ယူကျင်းပနိုင်ဖို့ KNU ဘက်က စီစဉ်နေတယ်လို့လည်း ဆိုပါတယ်။ ဒီအကြောင်းကိုတော့ KNU ကိုယ်စားလှယ် အဖွဲ့ရဲ့ ခရီးစဉ်မှာ လိုက်ပါ သတင်းယူနေတဲ့ ရန်ကုန်အခြေစိုက် ဗွီအိုအေ သတင်းထောက် ကိုသူရစိုးက တင်ပြထားပါတယ်။

ဒီနေ့မနက်မှာ ကာကွယ်ရေး ဦးစီးချုပ်နဲ့ KNU ခေါင်းဆောင်တွေဟာ နေပြည်တော် စစ်ရုံးချုပ်မှာရှိတဲ့ ရိပ်သာမှာ သူတို့ တွေ့ကြတယ်ခင်ဗျ။ တွေ့တဲ့အခါမှာ KNU ဥက္ကဋ္ဌ မူတူးဆေးဖိုး ပြောတာက သူတို့ နောက် မကြာမကြာ တွေ့မယ်။ အပစ်အခတ် ရပ်စဲရေးကနေ စလို့ ထာဝရ ငြိမ်းချမ်းရေး ရသွားအောင် လုပ်သွားပါ့မယ်လို့ ကာကွယ်ရေး ဦးစီးချုပ်က ပြောတယ် ဆိုပြီးတော့ မူတူးဆေးဖိုးက ပြန် ပြောပြပါတယ်။ “ကျနော်တို့ တည်ဆောက်သွားမယ့် ပြည်တွင်း ငြိမ်းချမ်းရေးကို အပစ်အခတ် ရပ်စဲရေးကနေ ကျနော်တို့ စပြီး ဆောင်ရွက်သွားပါမယ်။” ကရင် အမျိုးသား အစည်းအရုံး KNU က ပြောရေးဆိုခွင့်ရှိသူ ဦးမန်းငြိမ်းမောင် ကတော့ ကာကွယ်ရေး ဦးစီးချုပ်နဲ့ သူတို့ တွေ့တဲ့အခါမှာ အပစ်အခတ် ရပ်စဲရေး ခိုင်မာဖို့ ဆက်လက် ဆွေးနွေးဖို့ကိစ္စတွေကို သူတို့ ပြောတယ်။ နောက်ပြီး သူတို့ ဒီ တွေ့ဆုံမှုကနေ နှစ်ဘက် ယုံကြည်မှု တည်ဆောက်နိုင်မယ်လို့ အခုလို ပြောပြပါတယ်။ “တပ်မတော် ကာကွယ်ရေး ဦးစီးချုပ်နဲ့ အဆင့်မြင့် တပ်မှူးကြီးတွေကို ကျနော်တို့ တွေ့ခဲ့တယ်။

ကျနော်တို့ တွေ့တော့ ကာကွယ်ရေး ဦးစီးချုပ်က ပြောတယ်၊ ကျနော်တို့ ဒီ ငြိမ်းချမ်းရေး ဖြစ်စဉ်မှာ ရာခိုင်နှုန်း ၇၀ လောက် အောင်မြင်နေပါပြီတဲ့။ အဲဒီတော့ ကျန်တဲ့ ၃၀ ရာခိုင်နှုန်းကို ကျနော်တို့ကတော့ ကျနော်တို့ ငြိမ်းချမ်းရေး ခရီးစဉ်မှာ အခက်အခဲ ဒီလောက် မကြီးမားတော့ပါဘူးလို့ ယုံယုံကြည်ကြည် တက်တက်ကြွကြွနဲ့ ပြောကြားခဲ့တယ်။ နောက်တခုကတော့ ကျနော်တို့ရဲ့ တိုင်းရင်းသားတွေရဲ့ ဖွံ့ဖြိုးရေးအတွက် သူ လုပ်ဆောင်ချင်တယ်၊ သူ ခံစားချက်အပြည့်နဲ့ ပြောကြား ခဲ့ပါတယ်။

ကျနော်တို့ ဒီ တပ်မတော် ကာကွယ်ရေး ဦးစီးချုပ်နဲ့ ဗမာ့တပ်မတော်က အဆင့်မြင့် တပ်မှူးကြီးများ၊ ခေါင်းဆောင်ကြီးများကို တွေ့တဲ့အခါကျတော့ တဦးနဲ့တဦး ယုံကြည်မှု ပိုရတယ်လို့ ကျနော်တို့ဘက်က အဲဒီလို ရှုမြင်ပါတယ်။” ရန်ကုန်ရောက်တုန်း ရန်ကုန်မှာရှိတဲ့ ကရင်အဖွဲ့အစည်းတွေနဲ့ သူတို့ တွေ့တယ်။ ၁ နာရီလောက် သူတို့ တွေ့ဆုံခဲ့တဲ့ဟာတွေ၊ နောက် ကာကွယ်ရေး ဦးစီးချုပ်နဲ့ တွေ့ဆုံခဲ့တဲ့ဟာတွေကို ရန်ကုန်မှာရှိတဲ့ ကရင် အဖွဲ့အစည်းတွေကို သူတို့ ပြန်ရှင်းပြတယ်ပေါ့နော်။ သမ္မတကြီးက ရန်ကုန်မြို့မှာ ကရင်တိုင်းရင်းသားတွေ အားလုံး ပါဝင်တဲ့ အစည်းအဝေးတခု လုပ်ဖို့ကို အစိုးရ အနေနဲ့ ပံ့ပိုးပေးမယ်၊ သဘောလည်း တူတယ် ဆိုပြီးတော့ အဲဒီအကြောင်းတွေကို ပြန်ပြီးတော့ ကရင်အဖွဲ့အစည်းတွေကို ရှင်းပြတာခင်ဗျ။

ကရင်အမျိုးသမီးများအဖွဲ့က ဒေါ် နော်ဆူဇန်နာလှလှစိုး ကတော့ ဒီ ကာကွယ်ရေး ဦးစီးချုပ်နဲ့ ကရင် ခေါင်းဆောင်တွေ တွေ့ဆုံမှုကနေ ရှေ့ဆွေးနွေးပွဲမှာ ငြိမ်းချမ်းရေး ဖြစ်စဉ်အတွက် ပိုပြီးတော့ ကောင်းလာမယ်လို့ ထင်တယ်လို့ အခုလို ပြောပါတယ်။ “အခုက initial cease fire ပေါ့နော်။ ပဏာမ ဆိုတော့ ခိုင်မာတဲ့ အပစ်အခတ် ရပ်စဲရေးကို ဆက်သွားမယ်။
ပြီးတော့ နိုင်ငံရေး တွေ့ဆုံ ဆွေးနွေးမှုတွေ မြန်မြန် ဆက်သွားနိုင်မယ် လို့တော့ ကျမတို့ မျှော်လင့်နေပါတယ်။” KNU အနေနဲ့ သမ္မတကြီးကိုရော၊ ကာကွယ်ရေး ဦးစီးချုပ်ကိုရော ပြောတာက ကချင်ကိစ္စနဲ့ ပတ်သက်လို့ ကချင်ပြည်နယ်မှာ တိုက်ပွဲတွေ ပြန်ဖြစ်နေတာက ငြိမ်းချမ်းရေးကို အနှောက်အယှက် ဖြစ်စေတယ်။ အဲဒါတွေကို ရပ်တန့်ပေးဖို့၊ သူတို့အနေနဲ့ ကြားဝင် ကူညီ ဆောင်ရွက်ပေးလို့ ရမယ်ဆိုရင်လည်း ကူညီ ဆောင်ရွက်ပေးပါ့မယ်လို့ သမ္မတကိုရော၊ ကာကွယ်ရေး ဦးစီးချုပ်ကိုရော သူတို့ ပြောတယ်လို့ ပြောပါတယ်။ “ကျနော်တို့ သမ္မတကြီးနဲ့ တွေ့တဲ့အခါမှာရော၊ တပ်မတော် ကာကွယ်ရေး ဦးစီးချုပ် နဲ့ တွေ့တဲ့အခါမှာရော ကျနော်တို့ ဒီနေ့ မြောက်ပိုင်းမှာ ကချင် အမျိုးသားတွေနဲ့ ဖြစ်တဲ့ကိစ္စမှာ စစ်အရှိန်မြင့်တဲ့ ကိစ္စဟာ ကျနော်တို့ ငြိမ်းချမ်းရေး လုပ်ငန်းစဉ်မှာ ထိခိုက်မှု တစုံတရာ ရှိတယ်။ ရိုက်ခတ်မှုတွေ ရှိတယ်။ နောက်ပြီးတော့ နိုင်ငံတော်ရဲ့ ပြုပြင် ပြောင်းလဲမှု လုပ်တဲ့အခါမှာရော ဒါဟာ သံသယနဲ့ စောင့်ကြည့်နေတဲ့ သူတွေအတွက် သံသယ ပိုမို ကြီးထွားစေတယ်။

ဒါကြောင့်မိုလို့ KIO နဲ့ ဖြစ်နေတဲ့ ပဋိပက္ခမှာ စစ်အရှိန်မြင့်နေမှုကို ကျနော်တို့ နိုင်ငံတော် လုံခြုံရေးကို မထိပါးတဲ့ ကိစ္စတွေ ဆိုရင် စစ်အရှိန်ကို လျှော့ဖို့အတွက် ကျနော်တို့ မေတ္တာရပ်ခံ တိုက်တွန်းခဲ့ပါတယ်။” ကာကွယ်ရေး ဦးစီးချုပ်ကတော့ သူက ဒီဟာတွေဟာ အချုပ်အချာ အာဏာကို မထိပါးဘူး ဆိုရင်တော့ သူတို့အနေနဲ့ ခွင့်လွှတ်လို့ ရတယ်ပေါ့။ အချုပ်အချာ အာဏာကို ထိပါးလာတဲ့ အခါကျတော့ သူတို့အနေနဲ့ မလွှဲသာ မရှောင်သာနဲ့ လုပ်ရတယ် ဆိုတဲ့အကြောင်းကို ပြန်ပြီး ပြောပြ ပါတယ်။

အခု KNU က လာတဲ့ အဖွဲ့ထဲက နှစ်ယောက်လောက်က သူတို့ ကျန်ခဲ့ပြီးတော့ ကရင် နှစ်သစ်ကူး ပွဲတော်ကို တက်ဖို့ အစီအစဉ် ရှိပါတယ်။ တခြား ရန်ကုန်မှာရှိတဲ့ အဖွဲ့အစည်းတွေနဲ့လည်း သူတို့ ထပ်ပြီးတော့ အစည်းအဝေး ကိစ္စကို အသေးစိတ် ဆွေးနွေးဖို့ အစီအစဉ်တွေ ရှိတယ်လို့ ဆိုပါတယ်။

ကေအဲန်ယူ ဥက္ကဌ ဗိုလ်ချုပ်ကြီး တာမလာဘော အနားယူမည်

နိုဝင်ဘာလ ၂၇ရက်၊ ၂၀၁၂ခုနှစ်။ (ကေအိုင်စီ)

ကရင်အမျိုးသားအစည်းအရုံး(KNU)၏ ဥက္ကဌ ဗိုလ်ချုပ်ကြီးတာမလာဘောသည် လာမည့်သက်တမ်း တွင် အနားယူတော့ မည်ဖြစ် ကြောင်း နိုဝင်ဘာလ ၂၆ရက်နေ့က က ရင်ပြည်နယ်၊ လှိုင်းဘွဲမြို့နယ် အတွင်း ရှိ လေးဝါးစခန်း၌ စတင် ကျင်းပပြုလုပ်ခဲ့သည့် ၁၅ကြိမ်မြောက် KNU ကွန်ဂရက်၏ ပထမရက်တွင် ထုတ်ဖော်ပြောဆို လိုက်သည်။
ဗိုလ်ချုပ်ကြီးတာမလာဘောက “ကျနော်ကတော့ ဒီကွန်ဂရက်မှာ အနားယူတော့မှာ။ အဲဒီတော့ ကျန်တဲ့သူများက မှန်မှန်ကန် ကန်နဲ့ ခေါင်းဆောင် အသစ်တွေကို ရွေးပါ။ အခု ကွန်ဂရက်မှာ ခေါင်းဆောင်တွေ ပြန်ရွေးရင် မှန်ကန် တဲ့ ခေါင်းဆောင်ကို ရွေး ပါ။ နိုင်ငံရေးကိုလည်း သုံးသပ်တတ်ရမယ်။ ခေါင်းဆောင်ဆိုတာ လူထုနောက် မြီးဆွဲ မဟုတ်ပါ ဘူး”ဟု ကွန်ဂရက်အဖွင့်မိန့်ခွန်းတွင် ထည့်သွင်းပြောဆိုခဲ့သည်။
အဆိုပါ ကွန်ဂရက်တွင် ဥက္ကဌ ဗိုလ်ချုပ်ကြီးတာမလာဘောနှင့် ပဒိုစောဒေးဗစ်သဘောတို့မှ သဘာပတိ အဖြစ်လည်းကောင်း၊ အထွေထွေ အတွင်းရေးမှူး နော်စီဖိုးရာစိန်၊ တွဲဖက်အတွင်းရေးမှူး(၁) ဗိုလ်မှူးစောလှငွေနှင့် တွဲဖက် အတွင်းရေးမှူး(၂) ပဒိုစောဒေါ့ လေးမူတို့က အခမ်းအနားမှူးများအဖြစ် တာဝန်ယူခဲ့ကြသည်။

ကေအဲန်ယူ ၁၅ ကြိမ်မြောက် ကွန်ဂရက်

ကွန်ဂရက်သို့ ကေအဲန်ယူ၏ ခရိုင်၊ တပ်မဟာ ၇ခု၊ ဗဟို(လခသ)နှင့် တပ်(သ၀ခ)မှ ကိုယ်စားလှယ်များ အပါအ၀င် ပြည်တွင်း ပြည်ပရှိ လူထုအခြေပြုအဖွဲ့များမှ ကိုယ်စားလှယ်များ၊ လေ့လာသူများ စုစုပေါင်း ၁၇၅ဦး တက်ရောက်ခဲ့ကြသည်။ ၎င်းကွန်ဂရက်တွင် တက်ရောက်လာသူ ကိုယ်စားလှယ်များ၊ လေ့လာသူများက မိတ်ဆက်ခဲ့ကြပြီး ကွန်ဂရက်နှင့် ပတ်သက် သည့် လိုက်နာရမည့် စည်းမျဉ်းစည်းကမ်းများကို အသိပေးဖတ်ကြားခဲ့သည်။
ကေအဲန်ယူကွန်ဂရက်သို့ ကရင်ပြည်နယ်၊ စာပေနှင့် ယဉ်ကျေးမှုအဖွဲ့ကိုယ်စား တောင်ကလေးဆရာတော်မှ လည်းကောင်း၊ ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်မှလည်းကောင်း၊ သြစတြေးလျား ကရင်အဖွဲ့အစည်း-(AKO)၊ အမျိုးသားဒီမိုက ရက်တစ်တပ်ပေါင်းစု(NDF)၊ တိုင်းရင်းသား လူမျိုးများ ဖက်ဒ ရယ်ကောင်စီ(UNFC)၊ အမျိုးသားဒီိမိုကရေစီအဖွဲ့ချုပ်-(လွတ်မြောက် နယ်မြေ)နှင့် ရခိုင်အမျိုးသား လွတ်မြောက်ရေးပါတီ(ALP)နှင့် ကရင့်အာဇာနည် စောဘဦးကြီး၏ သမီး သဲလ်မာကြီးနှင့် ဥရောပ ကရင်ကွန် ယက်(EKN)မှ ပေးပို့လာသည့် သ၀ဏ်လွှာများကို ဖတ်ကြားခဲ့ကြသည်။
KNU သည် အမျိုးသား တော်လှန်ရေးအဖွဲ့ဖြစ်သည့်အပေါ် ပြည်သူများနှင့်အတူ ငြိမ်းချမ်းရေးကို လိုလားကြောင်း၊ ထိုသို့ လုပ် ဆောင်ရာတွင်လည်း ညီညွှတ်စွာနှင့် အသက်သွေးချွေး ပေးဆပ်ခဲ့ရသည့် KNU အာဇာ နည်ခေါင်းဆောင် များကို မဆန့်ကျင်၊ မပစ်ပယ်ရန်လိုကြောင်းလည်း ဥက္ကဌ စောတာမလာဘောက ၎င်း၏ မိန့်ခွန်းထဲတွင် ထည့်သွင်းပြောဆိုထားသည်။
ယခုကွန်ဂရက်တွင် ပြီးခဲ့သည့် ၂၀၀၈မှ ၂၀၁၂ခုနှစ်အထိ လေးနှစ်တာ ကာလအတွင်း ဌာနဆိုင်ရာအလိုက် လုပ်ဆောင်ခဲ့သည့် လုပ်ငန်းစဉ်များကို တင်ပြဖတ်ကြားခြင်း၊ ပြန်လည်သုံးသပ်ခြင်းများကို အသီးသီး ဆွေးနွေး ခဲ့ကြပြီး ကွန်ဂရက်ကို လာမည့် ဒီဇင် ဘာလ ၇ရက်နေ့အထိ ကျင်းပသွားမည်ဟု နိုဝင်ဘာလ ၂၂ရက်နေ့က ထုတ်ပြန်သည့် သဘောထားကြေညာချက်တွင် ဖော်ပြ ထားသည်။
ယခုကွန်ဂရက် မတိုင်ခင် အောက်တိုဘာလ ၃၁ရက်နေ့မှ နိုဝင်ဘာလ ၂၁ရက်နေ့အထိ KNU ၏ ဗဟိုအမြဲတမ်းကော်မတီ အစည်းအဝေးကို သုံးပတ်ကြာ ပြုလုပ်ခဲ့ကြသည်။